Almaty oblysynda "qūldyqtamyz" degen aǧaiyndy ekı azamat qūtqarudy ötınıp, videoündeu taratqan dep habarlaidy "Adyrna" ūlttyq portaly "31 arnaǧa" sılteme jasap.
Şaǧymdanuşylardyŋ sözınşe, olarǧa Kerbūlaq audanynda Ǧabit Börıbaev esımdı azamat ekı aidan berı küştep mal baqtyrǧan. Käsıpker malşylarǧa ne aqy tölemei, ne jeitın astaryn bermegen."Qūldyqtan qūtqaryŋyzdar" dep kömek sūraǧan bes balanyŋ äkesı Bibol Iаsymbek beinejazba jazyp jıbergen. Oqiǧa ornyna poliseiler barǧanda, olardyŋ aldynan qariia şyqqan.
87 jastaǧy aqsaqal ekı balasyn maldyŋ iesı jıbermei jatqandyqtan, olardy bosatuyn sūrap, ülken basymen kelgenın aitady.– Ölseŋder osy jerde ölıp qalyŋdar deidı. Bız adam emes, it qūrly bolmadyq qoi būǧan. Nege qorlaidy būl bızdı? Ei ainalaiyn būlar ölıp qalsa, men qaityp jan baǧamyn dedım? — deidı Nūrbol men Biboldyŋ äkesı.
Sonymen "qūldyqta ūstap otyr" degen ekı aǧaiyndynyŋ sözınşe, qazır olar 46 bas siyr, 150 bas jylqy, 400 bas qoi baǧyp otyr. Olar osynşama maldy qarauǧa bar bolǧany 250 myŋ teŋge alady. "Qazır densaulyǧymyz jaramaidy, maldy qaramaimyz" degen olardyŋ qarsylyǧyna qaramastan maldyŋ iesı būl ekeuın küştep ūstap otyr eken.— Bız maldy öz betımızşe tastap ketuge qorqamyz. Mynau endı qinau bolmaǧanda endı ne? "Ketpeisızder. Myna maldy qaraisyŋdar", — deidı. Bızdı qorqytty. Ana üiıne kırgızıp alyp, qorqytty. Qamşymen. Qamşysyn büktep alyp, qaida barsaŋ onda bar dep bızdı bopsalady. Ekı ai boldy, on tiyn aqy alǧan joqpyz. Osy jerde ışıp, jeitın tamaǧymyz da qalmady. Osy 400 bas qoidy qyrqytyp ta aldy, onyŋ da aqşasyn bergen joq, — deidı aǧaiyndy malşylar. Al otar-otar maldyŋ iesı Ǧabit Börıbaev eşkımdı küştep ūstap otyrmaǧandyǧyn aitady. Kerısınşe, olardyŋ "bes jylǧa deiın mal baǧamyz" degen uädesıne senıp, nesiesın ötep, balalaryna jaǧdai jasaǧan.
– Eşqandai zorlyq-zombylyq bolǧan joq. Kelısım şarttarymyz Iаsimbek Bibolmen 3 jylǧa, Iаsimbek Nūrbolmen 5 jylǧa bolǧan. Bıraq kelısım şartqa qaramai, ol azamattar kelısım şarttaryn būzdy. Qūdai būiyrtsa 10-15 künde me eken, bır jetınıŋ ışınde me eken, malşy tabylsa jūmystan bosatuǧa uäde beremın, — deidı Ǧabit Börıbaev.Al "mal qarauǧa densaulyǧymyz syr bergendıkten, kelısımşartty būzdyq" degen ekı aǧaiyndy malşylar qojaiyn özge baqtaşyny ädeiı ızdemei jürgendıgın aityp, küdıktenedı. Qazır būl ıstı Kerbūlaq audany polisiiasynyŋ bastyǧy öz baqylauyna alǧan.
"Adyrna" ūlttyq portaly.
