Bıyl qazaqtyń aqıyq aqyny, bes arystyń biri, Alash qaıratkeri, jerlesimiz uly Maǵjan Jumabaevtyń týǵanyna 125 jyl tolady. Osy mereıtoıǵa daıyndyq barysy oblystyq SQO ákimdiginiń otyrysynda qaraldy.
SQO tilderdi damytý basqarmasynyń basshysy Kemel Ospanovtyń aıtýynsha, qazirgi tańda aqynnyń mereıtoıyn atap ótý konepııasy jasaldy, onyń aıasynda 250 is-shara ótkizý josparlanǵan. Maǵjan Jumabaevtyń 125 jyldyǵyn merekeleýdiń basty maqsaty: aqynnyń shyǵarmashylyq murasyn nasıhattaý, týǵan jerge, óńir tarıhyna degen súıispenshilikti arttyrý, jas urpaqty patrıotızmge baýlý, uly tulǵanyń atyn máńgi este qaldyrý.
Óńir basshysy Qumar Aqsaqalov TÚRKSOI basshylyǵymen aqyldasa otyra aqıyq aqynnyń mereıtoıyn uıymǵa kiretin elderde ótkizý týraly sheshim qabyldanǵanyn málimdedi. Túrki áleminde 2018 jyl «Maǵjan Jumabaev jyly» bolyp jarııalanýyna baılanysty aqpan aıynda Halyqaralyq TÚRKSOI uıymynyń uıymdastyrýymen túrki áleminiń mádenı astanasy atalǵan Kastamoný jáne Ankara qalalarynda bastaý alady. Oǵan SQO-nan delegaııa qatysady. Is-sharalar Batys Qazaqstan, Aqtóbe, Jambyl oblystary jáne Astana qalasynda da atalyp ótiledi.
Oblysta aqynnyń týǵan kúni 25 maýsym qarsańynda «Maǵjan kóktemi» V Respýblıkalyq óner festıvali, Manash Qozybaev atyndaǵy SQMÝ bazasynda Maǵjan Jumabaevtyń 125 jyldyǵyna arnalǵan Respýblıkalyq ǵylymı-praktıkalyq konferenııa, jalpy bilim beretin mektep oqýshylary arasynda Respýblıkalyq Maǵjan oqýlary ótkiziledi. Sondaı-aq Qazaqstan Respýblıkasynyń teńge saraıyna tapsyrys berý arqyly mereıtoılyq medal men moneta, sonymen qatar Maǵjan Jumabaevtyń ómiri men shyǵarmashylyǵyna arnalǵan 2 tomdyq kitap shyǵarý josparlanyp otyr.
«Biz eń aldymen Maǵjan Jumabaevtyń shyǵarmashylyǵyna kóp kóńil bólýimiz qajet. Aqynnyń jaryqqa shyqpaǵan óleń jınaqtaryn jarııalaý qajet. Halyq kórmegen, estimegen, bilmegen óleń jınaqtary mereıtoıda baspadan shyǵýy tıis. Mereıtoıdyń ortalyǵy Maǵjan aýdanda bolady, degenmen, basqa aýdandarda da is-sharalar ótkizý kerek», — dedi Qumar Aqsaqalov.
Soltústik Qazaqstan oblysy ákimdiginiń baspasóz qyzmeti
