Qazaq ministrı qazaqşa söilese quanatyn masqara jaǧdaiǧa jettık - Täuelsızdıgımızdıŋ 30 jyldyǧynyŋ “jetıstıgı”…
Aptanyŋ alǧaşqy künı, bügın 25 qazanda Parlament Mäjılısınde ükımet saǧaty öttı.
Deputattar aldynda QR Sifrlyq damu, innovasiialar jäne aeroǧaryş önerkäsıbı ministrı B.Musin esep berdı.
QR Parlamentı Mäjılısı deputaty, “Aq jol” fraksiiasy müşesı Qazybek İsa ministrge eldıŋ alaŋdauşylyǧyn tudyryp otyrǧan Ükımettıŋ elektrondyq platformasyn Reseidıŋ Sberbankıne beru mäselesı jäne Sifrlandyru salasyndaǧy, egov platformasyndaǧy memlekettık tıldıŋ qoldanylu deŋgeiı turaly sūraq qoidy.
Qūrmettı ministr Baǧdat Batyrbekūly!
1.Qazaqstannyŋ sifrlandyru deŋgeiı jaqsy damuda. Oǧan jaŋa sızdıŋ jasaǧan baiandamaŋyzdan da közımız jettı. Bız BŪŪ-nyŋ halyqaralyq reitingı boiynşa onlain-qyzmet boiynşa 11-şı orynda, elektrondyq ükımet boiynşa 29 orynda, elektrondyq qauıpsızdıgı boiynşa 31 oryndamyz.
Tıptı Reseidıŋ aldyndamyz! Endeşe bükıl 19 mln qazaqstandyqtardyŋ jeke mälımetı bar memlekettıŋ elektrondyq ükımetın tügel şet memleketke - Reseidıŋ Sberbankıne bere saludy qalai tüsındıresız?!. Būl biyl 30 jyl tolyp otyrǧan Täuelsızdıgımızge nūqsan emes pe?
Sız “būl kelısım şart emes, memorandum” deisız, bärı memorandumnan bastalady. Dauyldyŋ aldyndaǧy jel tūratyny sekıldı. Öitkenı, būl memorandumǧa ükımet basşysy Asqar Mamin qol qoiyp otyr ǧoi.
Özıŋız aitqandai būl qoǧamda ülken qarsylyq tuǧyzyp, şu boluda. Būny sızdıŋ jauabyŋyz da qanaǧattandyra almady. Būǧan alaŋdaǧan “Aq jol” fraksiiasy deputattyq saual da jasady, ony özıŋız bılesız.
2.Sifrlandyru salasyn mındettı türde şetelge bermesek, kün köre almaityn bolsaq, onda Qazaqstannan keiıngı orynda tūrǧan Reseige bergenşe, nege aldyŋǧy qatardaǧy elderge bermeimız aşyq ta ädıl konkurs jasap. Nege barlyq jaǧynan Reseige bailanyp qalǧanbyz?!.
3.Būl IT sektorynyŋ damuyna kedergı keltıredı. Mamandardyŋ şetelge aǧyluyna jol beredı dep otyr sarapşylar. Öitkenı tapsyrys beruşı memlekettık jäne jergılıktı organdardyŋ tapsyrysyn qojaiyny şeteldık platforma iesı özı bıledı kımge berudı…
4.Eger AQŞ erteŋ Reseige älemdık eŋ aldyŋǧy qatarly baǧdarlamalarǧa qol jetkızuge tosqauyl qoisa bız qaitemız? “Ekı tüie süikense şybyn öledı” degendei, şyryldap, bosqa qūrban bolyp ketpeimız be?
5.Sız Baǧdat Batyrbekūly, özıŋız ministr retınde memlekettık tılde jaqsy söileidı ekensız, rahmet. Qazır qazaq ministrı qazaqşa söilese quanatyn masqara jaǧdaiǧa jettık Täuelsızdıgımızdıŋ 30 jyldyǧynyŋ “jetıstıgı”…
Al sifrlandyru salasyndaǧy, E-gov platformasyndaǧy memlekettık tıldıŋ qoldanyluy deŋgeiı qandai?
Qazybek İsa
"Adyrna" ūlttyq portaly
