25 qazanda QR Prezıdenti Qasym-Jomart Toqaevtyń Túrkimenstanǵa sapary aıasynda "Mır" telearnasy osy eldegi etnıkalyq qazaqtardyń baqytty ómiri týraly reportaj jasady dep habarlaıdy "Adyrna" ulttyq portaly "Turkmen.News-ke" silteme jasap.
Reportaj barysynda búginde Túrkimenstanda myńdaǵan qazaq otbasy turatyny, olardyń kópshiligi bir emes, birneshe urpaq boıy qalyptasqanyn, óıtkeni olarǵa bul elde barlyq jaǵdaı jasalǵany aıtylady.
Reportajda jas kezinde Ashhabadqa kóship kelgen egde áıeldiń otbasy kórsetiledi. Ol óziniń urpaqtarynyń barlyǵy baqytty ómir súrip jatqanyn jáne Túrkimenstanda qalǵysy keletinin aıtady. Baǵdarlamada otbasy músheleri qazaqtyń ulttyq ánderin shyrqap, bas kıimderdi kesteleý, et taǵamyn jasaý ónerin pash etedi.
"Turkmen.News-tiń" habarlaýynsha, bul reportaj tek osy arnada kórsetilgen. Al Túrkimenstannyń telearnalarynda Q.Toqaevtyń saparynyń qurmetine de qazaq ultynyń ómir súrý faktisi de aıtylmaǵan. Negizinen, Túrkimenstanda etnıkalyq qazaqtardyń turatyny "Turkmenistan Today" memlekettik aqparat agenttiginiń kóptegen habarlarynda aıtylmaıdy.
"Shyndyǵynda, Túrkimenstandaǵy basqa ulttar sııaqty qazaqtardyń da jaǵdaıy keremet emes. Ekonomıkalyq daǵdarystan, jumyssyzdyqtan, azyq-túlik tapshylyǵynan jáne adam quqyqtarynyń buzylýynan mundaǵy ózge ulttar kóbinese túrikmenderge qaraǵanda kóbirek zardap shegedi", - dep jazady "Turkmen.News".
"Túrkimenstanda túrikmen tilinen basqa tilderde oqytatyn mektepter múldem joq. Sondyqtan mundaǵy sany az ult ókilderi óz Otandaryna jappaı qonys aýdarýda. Máselen, bıylǵy jyldyń aqpan aıynda qonys aýdarýshylardyń kóbi Túrkimenstannan Qazaqstanǵa jóneltildi», - dep jazdy basylym.
"Adyrna" ulttyq portaly.
