Eks-densaýlyq saqtaý mınıstri Eljan Birtanovtyń qorǵaýshysy Dmıtrıı Kýrıachenkoniń ústinen qylmystyq is qozǵaldy dep habarlaıdy "Adyrna" ulttyq portaly.
Advokattyń aıtýynsha, Qarjylyq monıtorıng agenttigi onyń ústinen qylmystyq isti zańsyz qozǵaǵan. Advokat Kýrıachenko Respýblıkalyq advokattar alqasyna júginip, kómek surady.
Qylmystyq is erterekte qozǵalypty. Qarjylyq monıtorıng agenttigi "tergeý qupııasyn jarııa etti, Birtanovtyń isin tergeýge kedergi keltirdi" degen kúdikpen bıylǵy jyldyń 1 sáýirinde is qozǵaǵan.
Advokattyń aıtýynsha, tergeýshiler onyń úıin tintýge ruqsat suraǵan. Alaıda sot buǵan ruqsat etpegen. Sondaı-aq, advokattyń isi boıynsha tergeýshiler jýrnalısterdi de tergeýge shaqyryp, advokattyń lıenzııasyn qaıtaryp alý týraly Ádilet departamentine hat joldaǵan. Tergeýshilerdiń bul joly da mańdaıy tasqa tirelgendeı bolypty.
Bir qyzyǵy, Birtanovtyń advokatynyń sózderinen zańǵa qaıshy eshteńe tappaǵandyqtan qylmystyq is qysqarǵan. Al advokattyń ózi bul is týraly tamyzda ǵana bilgen. Bul jóninde Bas prokýratýraǵa shaǵym joldanyp, tergeýshilerdi jaýapqa tartýdy talap etipti.
Respýblıkalyq advokattar alqasy da ań-tań. "Bul – advokat D.Kýrıachenkonyń quqyǵyn óreskel buzý", – dep málimdedi advokattar alqasy.
"Adyrna" ulttyq portaly
