Prezident tapsyrmasyna säikes, bügıngı künı mümkındıgı şekteulı jandarǧa barynşa jaǧdai jasau üşın keşendı jūmystar jürgızılıp jatyr. Būl turaly «Habar 24» telearnasyndaǧy «Anyǧyn aitqanda» baǧdarlamasynda QR Prezidentınıŋ kömekşısı Erlan Qarin aitty, dep habarlaidy «Adyrna» tılşısı QazAqparatqa sılteme jasap.
Efir barysynda Erlan Karin Memleket basşysy Ūlttyq qoǧamdyq senım keŋesınıŋ V otyrysynda kötergen mäselelerge toqtaldy.
«Soŋǧy jyldary salynǧan nysandarda mügedekterge arnalǧan pandustar qarastyrylǧan. Būryn salynǧan ǧimarattarda joq. Prezident osy mäselenı şeşudıŋ jolyn aitty. Ol «mümkındıgı şekteulı azamattar jiı baratyn ǧimarattardyŋ tızımı men qoljetımdı nysandardyŋ kartasyn äzırleu kerek», –dedı.Osyǧan orai, qazır mümkındıgı şekteulı azamattardy äleumettık qorǧau boiynşa arnaiy portal bar. Sol portalda kartanyŋ alǧaşqy jobasy daiyndaldy. Onyŋ ışınde 35 myŋǧa juyq osyndai nysan engızıldı. Aldaǧy ekı-üş jylda taǧy qosymşa 20 myŋ ǧimarat tızımge qosylady. Sodan keiın olar mügedek adamdarǧa ynǧaily etıp jasalady», - deidı Prezident keŋesşısı. Sonymen qatar, ol Prezident mümkındıgı şekteulı azamattardyŋ mügedektıgın rastau üşın jyl saiyn ötetın komissiia prosesın barynşa jeŋıldetuge tapsyrma bergenın tılge tiek ettı.
«Jyl saiyn mümkındıgı şekteulı azamattar özderınıŋ mügedektıgın rastau üşın komissiiadan ötu kerek. Odan ötuge keibır adamdardyŋ jaǧdaiy kelmeidı. Memleket basşysynyŋ tapsyrmasyna säikes, prosestı jeŋıldetu üşın qaşyqtan ötu jobasy qolǧa alyndy. Bügıngı künı būl joba bırneşe oblysta jüzege asyp jatyr», - deidı Erlan Karin.
