Kabýlda qaza bolǵan qazaqstandyq Erlan Jampeıisov osy senbide Astanada jerlendi. Bul týraly qaza bolǵan qazaqstandyqtyń ákesi Júsipbergen Jampeıisov aıtty.
"Senbi kúni jerledik. Denesi juma kúni jetkizildi, Astanada jerledik. Alıaqtyq jóninde aryz jazdyq. Bostandyq aýdandyq IID ókilderine. Aryzdy qabyl alǵandary jaıly qaǵazym bar. Ne isterimdi bilmeımin, osy iske IIM qosý kerek shyǵar. Denesin SIM ókilderi jetkizdi", - dedi qaza bolǵan qazaqstandyqtyń ákesi.
Syrtqy ister mınıstrligi baspasóz qyzmetiniń jetekshisi Ánýar Jaınaqov bul málimetti rastady.
Eske sala keteıik, osyǵan deıin Kabýlda Intercontinental qonaqúıine jasalǵan shabýyldan qazaqstandyq azamattyń qaza bolǵany habarlanǵan edi. 20 qańtarda keshki ýaqytta sodyrlar Intercontinental Hotel qonaqúıine basyp kirgen. Tolo News telearnasyna silteme jasaǵan RIA Novostı málimetinshe, 18 saǵat boıy jalǵasqan shabýyl toqtatylǵan. Nátıjesinde 126 adam qutqarylǵan, olardyń 41-i sheteldik.
tengrinews.kz
