«Qazaqkonsert» ūiymyna KSRO jäne Qazaqstannyŋ halyq ärtısı, Halyq qaharmany Roza Baǧlanovanyŋ esımı berıldı, dep habarlaidy «Adyrna» tılşısı.
«2022 jyly qazaqtyŋ būlbūl änşısı Roza Baǧlanovanyŋ tuǧanyna 100 toluyna orai memleket basşysy Qasym-Jomart Toqaev ūly änşınıŋ esımın halyq jadynda mäŋgı saqtau üşın şaralardy qabyldaudy tapsyrdy. Qazaqkonserttıŋ atauy ükımetınıŋ 2021 jyldyŋ 17 tamyzyndaǧy "Qazaqstan mädeniet jäne sport ministrlıgınıŋ respublikalyq memlekettık zaŋdy tūlǧalarynyŋ keibır mäselelerı turaly" №564 qaulysyna säikes auysty»,– dep jazdy ūiymnyŋ baspasöz qyzmetı.Aita keteiık, halyq ärtısı 1960 jyldan berı «Qazaqkonsertte» qyzmet etıp, qazaq muzyka önerınıŋ damuyna zor üles qosqan bolatyn.
«Adyrna» ūlttyq portaly
