Tūrmystyq deŋgeidegı ūlttyq mäsele eldı töŋkerıp jıberetın küşke ie

Em alyp jatqan soŋ eşqandai dau-damaiǧa aralaspai tynyş qana jataiyn deseŋ bolmaidy ǧoi, bolmaidy. Tolerantty boluymyz kerek deidı, sol kezde jaǧdaiymyz oŋalyp, kösegemız kögeredı eken, keŋ bolsaŋ kem bolmaisyŋ deidı. Tūra tūryŋdar! Sızder qai elde, qai jerde kördıŋder bır etnostyŋ özge elge qonystanyp, sol jerden öz auylyn, öz audanyn qūryp, oǧan tek öz ūltynyŋ äkımın taǧaiyndap, jekege qosa memlekettık qyzmet salasyn tek öz tılderıne ikemdep, öz ūltyn ǧana jūmysqa alyp otyrǧan? Sonda būl – qazaq tarapynan olarǧa körsetılgen keŋdık emes pe? Endı sol üşın qazaq halqyna, qazaq tılıne, qazaq memlekettılıgıne syi-qūrmet talap etuımız orynsyz bola ma? Maǧan batatyny däl osy taqyryptaǧy dau-damai basqa emes öz aramyzda örbıgenı. Däp bır Qazaqstanda qazaq mäselesı, qazaq tılı, dını, dılı mäselesı joqtai, äldeqaşan ösken-öngen fransuzben, aǧylşynmen salystyra söileitın «aqyldylarǧa» taŋym bar. Endı bır toptyŋ logikasyna salsaŋ, «taspen japalaqty ūrsaŋ da, japalaq öledı, japalaqpen tasty ūrsaŋ da japalaq öledınıŋ» kerı, ne jaǧdai bolsa da qazaq özı kınälıden tanbaidy. Keiınırek tolyqtyryp jaza jatarmyn, bıraq men üşın bır närse anyq, aiqyn – biyl da, keler jyly da, odan keiıngı jyldar da qazaq pen armian, qazaq pen ūiǧyr, qazaq pen özbek t.b.t.t. jyr bıtpeidı.  Öitkenı, onyŋ sebep saldary köp, öte köp, alysqa barmai aq, qoldanystaǧy zaŋnamamen jūmys jasap otyrǧan Tılmaidandyqtardyŋ qyzmetın Abaev bastap, Toqaev qostap – üŋgırdegı ūltşyldyqqa teŋep, radikal atandyryp otyrǧan memleket, ūlt saiasatyn özgertpeiınşe (al olar öz erıkterımen özgertpeidı) osy körgenımız körgen. Tūrmystyq deŋgeidegı ūlttyq mäsele keibıreuler oilaǧandai oŋai-ospaq mäsele emes, eldı töŋkerıp jıberetın küşke ie, bıraq ony feisbukte otyrǧan teoretikterge tüsınu qiyn.