Äleumettık jelı qoldanuşylary osylai dep şulady. Qazaqstandyq boksşylarǧa, onyŋ ışınde olimpiadaşylardy älem chempionatyndaǧy jekpe-jekte jattyqtyruşylary emes, "Dikii Arman" laqap atymen tanymal kriminaldyq avtoritet Arman Jūmageldievtıŋ jön sıltep jatqanyna narazy boldy dep habarlaidy "Adyrna" ūlttyq portaly "Sputnik Qazaqstanǧa" sılteme jasap.
Jelıde Dikii Armannyŋ boksşy Aslanbek Şymbergenovke: "Ölseŋ de jeŋu kerek" dep ruh berıp jatqan videosy paida boldy. Osy uaqytta sportşynyŋ janynan jattyqtyruşysyn da köruge bolady."Sen jattyqtyŋ ǧoi, al qazır körset. Soŋyna deiın, soŋǧy sekundqa deiın bar qolyŋnan kelgenın jasa. Ölseŋ de jeŋıske jetesıŋ! Chempionsyŋ ǧoi! Qazaqsyŋ! Qane! Bız saǧan qoldau körsetemız!", - deidı Jūmageldiev sportşyǧa. Rezonanstyq video äleumettık jelılerde taraldy.
Köpşılık mūndai adamnyŋ qazaqstandyq boksqa yqpalyn aiqyn körsetıp otyrǧandyǧyna narazy boldy."Ne sebeptı bızdıŋ sportşylardyŋ motivasiiasymen jattyqtyruşy nemese psiholog emes Dikii Arman ainalysady. Sport federasiiasy ne qarap otyr sonda? Mümkın bärın taratyp jıberıp, kelesı olimpiadaǧa qatysuǧa boksşylarymyzdyŋ özderın jıberemız? Nätije de jaqsy bolady, aqşany da ünemdep qalamyz", - dep jazady Facebook qoldanuşysy Iliias Myŋjasarov.
"Būl videoǧa mädeniet jäne sport ministrlıgınıŋ resmi ökılı qalai tüsınıkteme beredı? Nemese būl ruhani jaŋǧyru baǧdarlamasy ma?"- dep jelı qoldanuşylary taŋ qalysty."IIM bazalarynda esepte tūrǧan adamǧa Qazaqstannyŋ resmi sport delegasiiasynyŋ sözın söiletıp, akkreditasiiadan ötkızıp, VIP beidj bergen şeneunıkterdıŋ aqyl-esı dūrys pa?" – dep aşyndy jelı qoldanuşylarynyŋ bırı.
Būl oqiǧaǧa Qazaqstan boks federasiiasy pıkır bıldırdı. Olardyŋ aituynşa, Qazaqstan boks federasiiasy boksşylardy daiarlau aimaǧyna kımnıŋ kıretınıne jauap bermeidı. Öitkenı chempionat Qazaqstanda ötıp jatqan joq. Sol sebeptı basqa adamdar ūiymdastyru jaǧyna jauap beredı."Būl chempionat Qazaqstanda emes, Serbiiada ötkendıkten, bız ūiymdastyruǧa, sondai-aq belgılı bır adamdardyŋ sportşylar şyǧatyn nemese jattyqtyrylatyn aimaqqa ötuıne jauapty emespız. Mūnymen qabyldauşy tarap ainalysady. Bızdıŋ mındetımız - boksşylardyŋ jaqsy nätijege qol jetkızuın, özderın jaqsy sezınuın, baspanaǧa jäne tamaqqa bailanysty mäselelerınıŋ bolmauyn qamtamasyz etu", - dep jauap berdı ūiymnyŋ baspasöz hatşysy Aian Tölegen.
Arman Jūmageldiev küzetten qalai ötkenıne federasiiada jauap bere almady. Bıraq chempionatqa onyŋ Qazaqstan qūramasynyŋ janküierı retınde barǧanyn, boks janküierlerınıŋ ärqaisysyn fizikalyq tūrǧydan baqylai almaityndaryn jetkızdı."Chempionatqa köptegen qazaqstandyq janküierler bardy. Bız olardyŋ nemen ainalysyp, qandai äreket jasaitynyn baqylai almaimyz. Şynymdy aitsam, bız onymen ainalyspauymyz kerek", - dedı QBF ökılı. Aita keteiık, Serbiia astanasy Belgradta bokstan äuesqoilar arasynda 21-şı älem chempionaty ötude. Jarys 24 qazanda bastalyp, 6 qaraşaǧa deiın jalǧasady.
"Adyrna" ūlttyq portaly.
