Qazaqstandaǧy qymbatşylyqtyŋ bır sebebı, Qytai şekarasynda keptelıs dep käsıpkerler şulap jürgelı talai boldy. Ol kezde körşımız ne ısteidı?
Qazaqstandyq tauardy türlı jeleumen şekaraǧa üigızıp qoiǧan, al Europaǧa Qazaqstan arqyly künı-tünı teŋ-teŋ jük basqan poiyzdary aǧylyp jatyr. Olarǧa qytai ükımetı subsidiia bergen.
Qazaqstandyq jük poiyzdaryna subsidiia bar edı, ony alyp tastaǧan. Jük kölıgın toqtatqan.
Töbesı jabyq vagondardy kırgızbeidı. Bızdıkıler kelıssöz jürgızdık, vagon sany artady degenmen, Qytai jaǧyna ol bırınşı emes, üşınşı, älde besınşı sanattaǧy mäsele siiaqty. Europa naryǧy maŋyzdy.
Saldary sol bızde tauar qymbattap jatyr. Kafel siiaqty qūrylys zattary bır jylda on ret qymbattaǧan. Öndıruşıler üşın şikızat joq, önım kölemın, qyzmetkerlerın qysqartyp jatyr. Amalsyz önımı men qyzmet baǧasyn köterude. Qytaimen kındıgı bır keibır kompaniialar bankrot boludyŋ aldynda. Tenderşıler memleket aldyndaǧy tapsyrysty oryndai almai qinalyp jatyr. Qanşama adam tabystan aiyrylady. Salyq tüsımı azaiady. Alyp-satu, öndıru jaǧynan, ekonomikamyz körşıge kädımgıdei täueldı eken. Tentıretpese de, älsırete alady.
Erbol AZANBEK.
"Adyrna" ūlttyq portaly.
