Halyk Bank halyqqa memlekettık qyzmet körsetudıŋ jaŋa onlain-servisın ūsyndy. Endı Halyk Homebank qosymşasynyŋ QR-kody qūjattardy HQKO räsımdeuge jäne memlekettık bajdy kassaǧa barmai-aq töleuge mümkındık beredı, dep habarlaidy "Adyrna" ūlttyq portaly.
Jeke basty kuälandyratyn qūjattardy alǧan nemese jaŋartqan kezde, olardy resımdegenı üşın memlekettık bajdy Halyqqa qyzmet körsetu ortalyqtarynda (HQKO) "bır tereze" qaǧidaty boiynşa Halyk Homebank qosymşasynyŋ QR-kody kömegımen töleuge bolady.
Keluşılerge yŋǧaily bolu üşın qyzmettı qoldanu mümkındıgınşe jeŋıldetılgen. HQKO-da tölqūjat pen jeke kuälıktı räsımdeu kezınde endı kassaǧa barudyŋ qajetı joq, qūjat alu nemese ötınım beru kezınde bır talon alyp, Sızge qyzmet körsetetın köşı-qon qyzmetınıŋ operatorynan Halyk Homebank qosymşasynyŋ QR-kodyn paidalana otyryp, memlekettık bajdy töleu jetkılıktı.
Qyzmettı Halyk Bank, QR Işkı ıster ministrlıgı, QR sifrlyq damu, innovasiialar jäne aeroǧaryş önerkäsıbı ministrlıgı jäne "Azamattarǧa arnalǧan ükımet" memlekettık korporasiiasy bırlese jüzege asyrdy.
Tölemnıŋ būl ädısın engızu qajettılıgı būrynnan paida boldy, öitkenı jeke kuälıktı tırkeu qyzmetı eŋ tanymal qyzmetterdıŋ bırı: tek ötken jyldyŋ özınde atauly qyzmettı 2 millionnan astam ret qoldanǧan. Būǧan deiın keluşıler qyzmet üşın kassanyŋ terezesıne baru arqyly memlekettık baj salyǧyn tölep kelgen.
QR-kod arqyly töleu öte yŋǧaily, taǧy bır dausyz tiımdı jerı: Halyk Homebank qosymşasynyŋ QR-kodymen tölegen kezde komissiia joq, al kassa arqyly tölegen kezde belgılı bır komissiia bar. Būdan basqa, Halyk Homebank qosymşasyndaǧy QR kömegımen tölem qyzmetın paidalana otyryp, bank klientterı jüzege asyrǧan ärbır tölem üşın joǧary bonustar alady.
Halyk Homebank qosymşasynyŋ QR-kody kömegımen HQKO jer uchaskelerıne aktılerdı daiyndau jäne beru, jyljymaityn mülıkke, Kondominium obektılerıne qūqyqtardy tırkeu boiynşa qyzmetterdı jäne Memlekettık tızılımnen halyqqa körsetıletın basqa da qyzmetterdı qosymşa töleuge bolady.
Sonymen, Halyk Homebank qosymşasy arqyly memlekettık bajdy qalai töleuge bolady:
- Bank qosymşasyna kırıp "QR" belgışesın ıske qosyŋyz
- HQKO operatory monitorynyŋ ekranynan QR skanerleŋyz jäne tölem jasau üşın Halyk Bank kartasyn taŋdaŋyz
- Tölem jasaŋyz
"Adyrna" ūlttyq portaly
