27 qazan H.Dosmuhamedov atyndaǵy Atyraý ýnıversıtetiniń qabyrǵasynda qoǵamda sybaılas jemqorlyq, adaldyq, parasattylyq kórinisterine tózbeýshilik mádenıetin qalyptastyrý maqsatynda "Sanaly urpaq" klýbtarynyń oblystyq sleti ótti.
Slet aımaqtaǵy ár kolledjde uıymdastyrylǵan "Sanaly urpaq" klýbtarynyń belsendileri men jetekshilerin biriktirdi. Olardyń qyzmeti quqyqtyq bilim men sybaılas jemqorlyqqa qarsy mádenıetti nasıhattaýǵa baǵyttalǵan.
Is - sharaǵa arnaıy qonaq - "Sanaly urpaq" respýblıkalyq klýbynyń jetekshisi K.Tokýshev, sondaı-aq Atyraý oblysy boıynsha sybaılas jemqorlyqqa qarsy qyzmet departamenti basshysynyń birinshi orynbasary A. Mamyt, "Atyraý-adaldyq alańy" jobalyq keńsesiniń jetekshisiA. Adıeva jáne orta arnaýly jáne joǵary oqý oryndarynyń stýdentteri qatysty.
- "Qazaqstannyń jarqyn bolashaǵy bilimdi, talapty jáne zııaly jastardyń qolynda. Sondyqtan memlekettiń áleýmettik saıasatynyń negizgi basymdyqtarynyń biri ǵylym men bilim sapasyn damytý jáne arttyrý bolyp tabylady. Sybaılas jemqorlyqqa qarsy mádenıetti qalyptastyrý jáne sybaılas jemqorlyq quqyq buzýshylyqtardy joıý maqsatynda bilim berý mekemelerinde Agenttiktiń bastamasy boıynsha "Sanaly urpaq", "Adal urpaq" jobalary iske asyrylýda. Qazirgi ýaqytta 23 kolledj ben 3 joǵary oqý ornynda 700 – den astam múshesi bar, - dep atap ótti Atyraý oblysynyń Sybaılas jemqorlyqqa qarsy qyzmeti basshysynyń birinshi orynbasary A.Mamyt.
Slette parasattylyq ıdeıasy negizinde jastar arasynda sybaılas jemqorlyqqa qarsy mádenıetti qalyptastyrý boıynsha bilim berý, aqparattyq sıpattaǵy keshendi sharalar aıtyldy.
Is-shara barysynda sybaılas jemqorlyqqa qarsy zańnamanyń jáne sybaılas jemqorlyqqa qarsy mádenıetti qalyptastyrýdyń ózekti máseleleri talqylandy, stýdentter ózderiniń beıneprezentaııalaryn usyndy, olarda sybaılas jemqorlyq sııaqty áleýmettik zulymdyqqa degen kózqarasyn kórsetip, qoǵamnyń parasattylyǵyna shaqyrdy, ózderiniń akterlik qabiletterin kórsete otyryp, sıýjettik qoıylymdardy daıyndady.
Sybaılas jemqorlyqqa qarsy mádenıettiń aldyn alý isindegi eń belsendi jáne erekshe kózge túsken jastar dıplomdarmen jáne gramotalarmen marapattaldy.
