Zamanǧa sai memlekettık koordinattar jüiesın jasamaqpyz

Bız älı künge deiın keŋestık zamandaǧy 1942 jylǧy (SK-42) koordinattar jüiesın qoldanyp kelemız. Sondyqtan qazır zamanǧa sai memlekettık koordinattar jüiesın jasauǧa den qoiyp jatyrmyz! Būl üşın sputniktık geodeziialyq jelı bazasyn salyp, jelını däl esepteu jäne teŋestırudı ıske asyru qajet. Küllı älem sputniktık ädıske köşken. GPS pen Jahandyq navigasiialyq sputniktık jüie (GNSS) ǧaryşty şarlap jür, al geolokasiiany smartfon arqyly jıberu qalypty jaǧdaiǧa ainalǧan. Osyndai qarqyndy tehnologiialyq damudyŋ arqasynda ǧalamat nätijelerge qol jetkızuge bolar edı. Alaida mūndai mümkındıktı 2GİS, Google kart, Iаndeks taksi jäne taǧy basqa qarapaiym servister arqyly kündelıktı küibeŋ tırlıkte ǧana qoldanyp kelemız. Osyndai qolda bar navigasiia boiynşa salynǧan baǧdarǧa sai 200 metr nemese 212 metrden keiın būryldyŋyz ba, meilı, eŋ bastysy dıttegen jerıŋızge jetseŋız boldy. Al bız üşın qazırgı maŋyzdy maqsat - SK-42 siiaqty köne jüienıŋ ornyna dala men qala, özen-köl men orman kadastrynyŋ, geologiia jäne jer qoinauyn paidalanu, tabiǧat, qorǧanys, qauıpsızdık siiaqty jäne taǧy basqa da tiıstı salalardy, jerımızdıŋ ärbır süiemı men elısı, är santimetrın qamtityn memlekettık deŋgeidegı özımızdıŋ sputniktık koordinattar jüiemızdı qūru. Jaŋa jüiege auysqan şaqta fermerlerdıŋ jer aumaǧy ūlǧaiyp nemese azaiyp, özgeruı yqtimal. Mysaldar jetıp artylady, eskı koordinattar jüiesındegı mälımetter däl jäne naqty bolmaǧandyqtan, bır joldyŋ boiyndaǧy jer telımderı de säikespei qaluy mümkın. Memlekettık jüiedegı şekteuler men kedergılerdıŋ kesırınen geologiia jäne jer qoinauyn paidalanu salasyna şeteldık investorlardy tartu qiyndap tūr. Memlekettık basqaruǧa da kerı äserın tigızude. Mäselen, säulet salasyndaǧy «qyzyl jolaqtardyŋ», tabiǧat paidalanudaǧy sanitarlyq jäne su qorǧau beldemderınıŋ būzyluy. Qazırgı zamanda köne SK-42 jüiesın qoldanu degenımız, mysaly 2021 jyly ırı korporasiianyŋ ielıgınde zamanaui tehnikalar men İnternet bola tūra, elektrondyq poşta, portaldar, smartfon men gadjetterın paidalanbai, hat-habarlary men qūjattaryn qaǧaz jüzınde jaiaulap-jalpylap dästürlı poşta arqyly joldaǧanmen teŋ. Mūndai korporasiianyŋ jūmysy jemıstı boluşy ma edı?! SK-42 tehnologiiasy qūrylys, säulet, geologiia, kadastr, kölık, navigasiia jäne t.s. tehnikalyq jäne injenerlık baǧyttarda keŋınen qoldanylady, sondyqtan onyŋ şyǧyndary da ūşan-teŋız. Osy sebeptı būl salany jaŋǧyrtyp, zamanǧa sai jäne tiımdı qylyp, halyqqa körsetılıp jatqan qyzmetterdıŋ sapasyn arttyru üşın geodeziia jäne keŋıstıktık derekterdı sifrlandyru qarqynyn küşeitkelı jatyrmyz.