Milliarder, Tesla kompaniiasynyŋ bas atqaruşy direktory İlon Masktyŋ Twitter akkauntynda bıraz şytyrman oqiǧalar boldy.
2018 jyly Mask "Tesla-ny jekemenşıkke aludy qarastyryp jatyrmyn" degen tvitınen keiın oǧan AQŞ-tyŋ baǧaly qaǧazdar jäne birjalar jönındegı komissiiasy aiyp taǧyp, 20 million dollar aiyppūl salǧan bolatyn.
2020 jyldyŋ säuırındegı lokdaun kezınde, Mask Twitter-de "Däl qazır Amerikany erkın jıber" dep jazyp, taǧy da dau tudyrǧan.Kelesı aiynda Mask "Men barlyq derlık fizikalyq menşıkterımdı satamyn. Eşqandai üi bolmaidy" degen. 62 million jazyluşysy bar Mask taǧy da bır qyzyqty tvit jariialady.
Tvit aǧylşyn tılınde "adamzat" degen sözden bastalǧan. Alaida bır ǧana aǧylşyn sözınen keiın qytai tılındegı ejelgı öleŋ joldary jazylǧan.Öleŋdı bızdıŋ zamanymyzdyŋ 220-280 jyldar aralyǧyndaǧy Qytaidyŋ Üş memleketke bölıngen kezeŋınde ömır sürgen aqyn Sao Chji jazǧan. Derekterge säikes, Sao Chji būl sözderdı aǧasymen aradaǧy daudy şeşu üşın dauystap aitqan.
Derekter boiynşa, imperator Sao Pi ınısı Sao Chjidıŋ bilıktı qūlatpaq nietı bar dep küdıktenıp, onyŋ adaldyǧyn anyqtau üşın aqyndy şaqyrady. İmperator aqynnyŋ kınäsızdıgıne köz jetkızu üşın odan jetı qadam attamai tūryp öleŋ jazudy talap etedı."Jetı qadam tört tarmaq" degen öleŋ imperatordyŋ osy synaǧynan tuyndaǧan. Sodan keiın imperator emosiiasyn jeŋıp, ınısıne küdıgı seiılgen-dı. Öleŋnıŋ tört tarmaqty nūsqasynyŋ (Mask bölısken) audarmasy kelesıdei: "Būrşaq sabaǧynyŋ jalynynda būrşaqtar quyryldy, Qazannyŋ ışınen (būrşaqtar) aşulandy: "Bız bır tamyrda östık - Bızdı otta pısıruge nege asyǧasyŋ?". (Humankind 煮豆燃豆萁 豆在釜中泣 本是同根生 相煎何太急)
Būl qytai ädebi şyǧarmasy ädette bauyrlastar arasyndaǧy qarym-qatynasty retteitın jäne ūsaq kelıspeuşılıkterge jauap retınde "bır-bırıne ziian keltıru" degen ideiaǧa qarsy tūratyn metafora retınde tüsındırıledı.Masktyŋ tvitı Qytai men AQŞ äleumettık jelısınde qyzu talqyǧa tüstı. Öleŋ joldaryna taldau jasaǧan, onyŋ kımge baǧyttalǧanyn tüsındırgen är türlı teoriialar paida boldy. Äleumettık jelı qoldanuşylary men älemdık BAQ "Mask aityp otyrǧan metaforalyq aǧaiyndylar kım boluy mümkın?", "bükıl adamzat?", "klimattyŋ özgeruıne qarsy küres pe?", "Mask pen ǧaryşqa qūmar milliarder Djeff Bezos pe?", "Qytai men Amerika Qūrama Ştattary ma?" degen sūraqtar qoiǧan.
"Bızdıŋ batystyq dostarymyz üşın. Būl Üş Patşalyq romansyndaǧy öleŋ. Bız (osy öleŋ joldary arqyly) bır-bırımızben soǧyspau kerektıgın beineleimız" dep jazady OKEX bas direktory Djei Hao Twitter-de. Ol Masktyŋ tvitı Şyǧys pen Batysty meŋzegenın, qaqtyǧysty boldyrmau kerek ekenın aitty dep senedı."Ol Taivan mäselesın aityp jatyr. Onyŋ közqarasy bılınude" delıngen Masktyŋ Weibo jazbasynyŋ astyndaǧy tanymal pıkırde. "Mūnyŋ sebebı demokrattar bailarǧa salyq salǧysy keledı, onyŋ ışınde Masktyŋ 50 milliard AQŞ dollary jäne Bezostyŋ 44 milliard dollary bar" dep jazady taǧy bırı.
Masktyŋ poetikalyq tvitınıŋ astyndaǧy keibır tüsınıktemelerde "Shiba Inu jäne Dogecoin kriptovaliutalaryna sılteme jasaluy mümkın" ekendıgı aitylaǧan:Alǧaşqy kezde Mask Dogecoin kriptovaliutasyn qoldaǧan jäne ol jüzdegen ese qymbattaǧan. Keiınırek oǧan bäsekeles retınde Shiba Inu kriptovaliutasy şyǧyp, onyŋ da baǧasy körnektı köterıldı. Tıptı jaqynda Shiba Inu-dyŋ naryqtyq qūny Dogecoin-nan asyp tüstı. "Būl tiıstı monetalardy jaqtauşylar arasynda şielenıs tudyrdy" dep habarlaidy Fortune.
Al Qytaidyŋ "Sinhua" memlekettık agenttıgıne qarasty "Reference News" basylymy Masktyŋ jazbasyna basqaşa taldau jasaidy. Basylym tvittı BŪŪ Düniejüzılık Azyq-tülık baǧdarlamasynyŋ atqaruşy direktorynyŋ qaiyrymdylyq turaly Maskpen qyzu pıkır almasuyna bailanystyrady.Tesla kompaniiasy ejelgı qytai öleŋı turaly tvitke tüsınıkteme beru sūraqtaryna jauap bermedı.
Talǧar QYRYQBAI,
Derekköz: Qamshy.kz
