Biyl jyl basynan berı Aqtöbe oblysynda 348 avtokölık joly jöndeldı dep habarlaidy "Adyrna" ūlttyq portalynyŋ tılşısı.
Būl turaly Aqtöbe oblysynyŋ äkımı Oŋdasyn Orazalin Ortalyq kommunikasiialar qyzmetınde ötken baspasöz mäslihatynda mälımdedı.
"Aqtöbe oblysy özınıŋ geografiialyq ornalasuyna bailanysty aitarlyqtai kölık äleuetıne ie. Būl rette, bügınde öŋırdegı avtojoldardyŋ sapasyn jaqsartu mäselesı özektı bolyp qaluda. Osydan on jyl būrynǧy mälımetterge süiensek, ol kezde jaqsy jäne qanaǧattanarlyq jaǧdaidaǧy joldardyŋ ülesı nebary 42% bolǧan eken, al 2019 jyly 56.5% qūraǧan. Bügıngı künı oblysta jaqsy jäne qanaǧattanarlyq jaǧdaidaǧy joldardyŋ ülesı 61% qūraidy. Osy baǧytta älı de köptegen jūmystar jürgızılude",- dedı Oŋdasyn Orazalin.
Aǧymdaǧy jyly 14,3 mlrd. teŋgege 348 km jol jöndeldı. Jalpy, jyl qorytyndysy boiynşa 450 km astam joldy jöndeudı josparlap otyrmyz. Sonyŋ nätijesınde jalpy alǧanda jaqsy jäne qanaǧattanarlyq jaǧdaidaǧy joldardyŋ ülesı 66% jetuı tiıs.Atap aitqanda, "Aqtöbe qalasynyŋ oŋtüstık ainalma jolyn", "Aqtöbe-Orsk", "Qobda-Märtök" avtomobil joldaryn qaita jaŋartu jäne kürdelı jöndeu syndy ırı jobalardy aiaqtau josparlanyp otyr.
"Adyrna" ūlttyq portaly.
Ūqsas jaŋalyqtar
