Jeŋıl salmaqtaǧy qazaqstandyq boksşy Viktor Kotochigovke Sautgemptonda ötetın jekpe-jekke daiyndyq kezınde şabuyl jasalyp, auruhanaǧa tüstı dep habarlaidy "Adyrna" ūlttyq portaly "Vesti.kz" saityna sılteme jasap.
Boksşynyŋ aituynşa, belgısız bıreuler onyŋ bölmesıne basyp kırıp, "qyşqyl" şaşqan, keiın ol bırneşe kün auruhanada jatuǧa mäjbür bolǧan. Jekpe-jek 11 jeltoqsanǧa josparlanǧan edı."Angliiadaǧy oqu-jattyǧu jiyny bıraz sätsız boldy. Qysqaşa aitsam: 11 jeltoqsanǧa josparlanǧan jekpe-jekke daiyndalu üşın Angliiaǧa ūşyp keldım. Bölme jaldap, jattyǧudy bastadym. Tört kün öttı. Bır künı üide ūiyqtap jatqanymda esık syrtynan dybys estıldı. Bıreu qūlypty aşuǧa tyrysyp jatty. Men atyp tūryp pyşaq almaq boldym, bıraq as üide şanyşqy men qasyqtan basqa eşteŋe bolmady. Esık aşyldy da bırneşe adam kırıp keldı. Oilanbastan töbeleske daiyndalyp tūrǧanymda olar maǧan qyşqylǧa ūqsas sūiyqtyq şaşyp jıberdı. Men denem auyrǧandyqtan eŋkeiıp qaldym, al olar tez şyǧyp kettı. Bırınşı jattyqtyruşyny şaqyrdym. Ol tünde kelıp, menı auruhanaǧa apardy, qamqorlyq jasady, sol üşın oǧan myŋ alǧys! Bırneşe kün auruhanada därıgerler baqylauynda boldym. Eşkımmen janjaldaspadym, kımge kerek bolǧanyn bılmeimın. Bar tüsıngenım, jattyǧu jiyndaryna senımdı jerlerge baru kerek eken", - dep jazdy Kotochigov Instagram-paraqşasynda.
MTK Global menedjerlerı "qazaq patşasy" dep ataǧan Kotochigov keiıngı jekpe-jegın 12 nauryzda ötkızıp, ūlybritaniialyq Geri Kalliden nokautpen jeŋılıp qaldy.Būl qazaqstandyqtyŋ qatarynan ekınşı jäne mansabyndaǧy alǧaşqy jeŋılısı boldy. Būǧan deiın ol Dubaida taǧy bır ūlybritaniialyq boksşy Maksi Hiuzden jeŋılıp, WBC International titulynan aiyrylǧan bolatyn.
"Adyrna" ūlttyq portaly.
