İnvestisiia degen - qoldaǧy qarajatty qandai da bır öndırıstı damytuǧa salyp, sol arqyly keleşekte paida tabu. Bızde ol tek şikızat öndırısımen tyǧyz bailanysty. Sondyqtan şeteldık investisiianyŋ bärı sol salaǧa kettı. 2008 jyly daǧdarys bolsa da, ol ekonomikamyzdyŋ damuy üşın eŋ qolaily kezeŋnıŋ bırı boldy. Şetelden investisiia tartpai-aq, köp närse jasauǧa mümkındık boldy. Ekonomikamyzǧa älemnıŋ damyǧan elderınıŋ täjıribesın alu kerek edı.
Özge elderdıŋ ozyǧyn öz täjıribemızge engızu arqyly öz ekonomikamyzdy aiaqqa tūrǧyzyp aluǧa mümkındık boldy. Mysaly, nemıstermen kölık infraqūrylymyn damytu, fransuz, japondar jäne oŋtüstık koreialyqtarmen auyl şaruaşylyǧy önımderın qaita öŋdeu siiaqty dūrys dünielerdı üirenıp aluǧa bolatyn edı.
2016 jyldyŋ aiaǧynda tūŋǧyş Prezident Tokio men Seulge baryp, Qazaqstanǧa japondyq jäne oŋtüstık koreialyq firmalardy jūmys ısteuge şaqyrdy. Bıraq körıp otyrǧanymyzdai, elge qyzyǧuşylyq tanytqandar az boldy. Önerkäsıp salasynda maŋyzdy eşteŋe jasalmady. Jyl saiyn myŋdaǧan käsıporyndar salyndy, degenmen ıs jüzınde eşteŋe özgermedı. Tek ädemı sözder bolyp qaldy.
Ozyq eldermen paidaly yntymaqtastyqtyŋ ornyna memlekettık qarjy bos baǧdarlamalar men män-maǧynasyz auqymdy ıs-şaralarǧa jūmsaldy. Mysaly, EKSPO ūiymdastyruǧa ketken qarjynyŋ ornyna (beiresmi aqparat boiynşa 5 milliard dollardan astam qarjy jūmsalǧan) mūnai öŋdeu nemese auyl şaruaşylyǧy önımderın qaita öŋdeu zauyttaryn saluǧa, QTJ jūmysyn jaqsartuǧa, jaŋa joldar saluǧa bolatyn edı. Bıraq eşteŋe jasalmady. Qazır bızde ne bar, eşteŋe joq. Aqşa joq, ekonomika byt-şyt, jaǧdai "trevojnyi".
Qazbek BEISEBAEV,
"Adyrna" ūlttyq portaly.
