Endı "kök" märtebesı bar qazaqstandyqtar jūmys künderı sauda ortalyqtaryna kıre almauy mümkın, dep habarlaidy "Adyrna" ūlttyq portaly.
– Bügıngı künı bas sanitarlyq därıgerdıŋ qaulysy boiynşa "jasyl" märtebesı bar tūlǧalardy ǧana nysandarǧa kırgızu közdelıp otyr. Jaqynda VAK otyrysynda būl täjıribenı jūmys künderı de sauda-oiyn sauyq ortalyǧynyŋ jūmys tärtıbıne engızu ūsynyldy. Iаǧni, bügıngı taŋda sauda oiyn-sauyq ortalyqtaryna tek "jasyl" märtebesı bar tūlǧalar ǧana bara aluy üşın atalǧan mäsele talqylanuda, – dedı Almaty qalasy Käsıpkerler palatasy direktorynyŋ orynbasary Saltanat Lesbaeva."QazAqparat" HAA habarlamasynda atap ötılgendei, "Atameken" ŪKP būl mäselenı talqylauǧa belsendı qatysady.
– SOO-da köptegen käsıpkerler jūmys ısteidı. Būl obektılerde ainalymy, tabysy tömendeuı mümkın basqa da qyzmet türlerı ornalasqan. Sondyqtan būl mäsele qazır belsendı talqylanyp jatyr jäne pysyqtaluda, – dep naqtylady ol.S. Lesbaeva jaqynda "Atameken" ŪKP Basqarma töraǧasynyŋ orynbasary Oljas Ordabaevtyŋ töraǧalyǧymen müddelı biznes subektılerın tarta otyryp, osy ūsynysty talqylau boiynşa jūmys keŋesı ötkenın atap öttı. — Endı barlyq şyǧyndardy esepteu kerek, olar öz jūmystaryn qalai ūiymdastyrady, būl keluşıler trafigınıŋ tömendeuıne äser ete me, joq pa. Osy mäselelerdıŋ barlyǧyn talqylau qajet, sodan keiın Densaulyq saqtau ministrlıgındegı ärıptestermen bırge būl mäsele pysyqtalatyn bolady, – dep qorytyndylady Lesbaeva.
"Adyrna" ūlttyq portaly.
