Saud Arabiiasy Qytai-Özbekstannyŋ koronavirusqa qarsy vaksinasymen egılgen Özbekstan azamattaryna rūqsat bermeidı, dep habarlaidy "Adyrna" ūlttyq portaly "Azattyq" radiosyna sılteme jasap.
"ZF-UZ-VAC2001" vaksinasy Özbekstanda şyǧarylady. Saud Arabiiasy ony moiyndamady, sebebı ol Düniejüzılık densaulyq saqtau ūiymynda tırkelmegen. Özbekstannyŋ İnnovasiialyq damu ministrlıgı testıleudıŋ üş kezeŋı ötkenın habarlady. Zertteudıŋ üşınşı kezeŋı osynda jürgızılgendıkten, vaksinany Qytai, Özbekstan jäne İndoneziiada qoldanuǧa rūqsat etılgen. Agenttık vaksinanyŋ koronavirus virusyna qarsy jalpy tiımdılıgı 92,92% dep mälımdedı.
"Podrobno.uz" basylymy Özbekstan bilıgı Qytai-Özbekstan vaksinasynyŋ sertifikattaryn moiyndau turaly Saud Arabiiasymen kelıssözder jürgızıp jatqanyn jäne ony tırkeu üşın qūjattar DDŪ-ǧa tapsyrylǧanyn jazady.Sanitarlyq-epidemiologiialyq salauattylyq jäne qoǧamdyq densaulyq saqtau qyzmetı basşysynyŋ orynbasary Nūrmat Atabekov Saud Arabiiasy Qytai-Özbekstan vaksinasyn moiyndamaityn bolsa, DDŪ moiyndaǧan kez kelgen vaksinanyŋ bır dozasyn aluǧa bolatynyn atap öttı. Būl turaly Özbekstan bilıgı qajylarǧa keiınırek habarlaudy josparlap otyr.
"Adyrna" ūlttyq portaly.
