Elımızde eŋbek dauyna qatysty mäseleler qalai şeşıledı? Jūmys beruşı men jūmysşynyŋ qandai qūqyǧy bar?
Käsıporyn qyzmetkerınıŋ qūqyǧyn būzǧan jūmys beruşıge şaǧymdanu üşın qaida jügınuge bolady? Ministrlıktegılerdıŋ mälımetınşe, qyzmette eŋbek dauy şyqqan jaǧdaida nemese käsıporyn qyzmetkerınıŋ qūqyǧy būzylǧan jaǧdaida qyzmetker Memlekettık eŋbek inspeksiiasyna şaǧymdana alady eken.
Memlekettık eŋbek inspeksiiasynyŋ qyzmetkerlerı öz kezegınde jūmyskerlerdıŋ qūqyqtary men bostandyqtaryn qūrmetteu, saqtau jäne qorǧau, zaŋdylyq, obektivtılık, täuelsızdık jäne jariialylyq qaǧidattary negızınde jūmys ısteidı. Al inspeksiianyŋ mındetı jaily aitatyn bolsaq, olar - QR eŋbek zaŋnamasynyŋ saqtaluyn memlekettık baqylaudy qamtamasyz etu, qauıpsız eŋbek jaǧdailaryna qūqyqty qosa alǧanda, jūmyskerlerdıŋ qūqyqtary men bostandyqtarynyŋ saqtaluyn jäne qorǧaluyn qamtamasyz etu; jūmyskerler men jūmys beruşılerdıŋ ötınışterın, aryzdaryn jäne şaǧymdaryn qarau. Jeke eŋbek daularyn qarau tärtıbı qandai? Qazırgı uaqytta jeke eŋbek daularyn şeşumen kelısu komissiialary ainalysady.
Al kelısu komissiiasy şeşım şyǧarmaǧan jaǧdaida ol daumen sot ainalysady eken. Sondai-aq, komiisiiaǧa kelıp tüsken ötınıştı komissiia berılgen künı mındettı türde tırkeuge tiıs ekenı aitylady. Bıraq qandai jaǧdai bolsyn, eŋbek dauyn mūnda ötınış beruşınıŋ qatysuymen qaraluy kerek. Vedomstvo mälımetınşe, kelısu komissiiasynyŋ ökılderı kelıp tüsken ötınıştı 15 jūmys künı ışınde qarauǧa jäne dau taraptaryna şeşımnıŋ köşırmesın ony qabyldaǧan künnen bastap 3 kün merzımde beruge mındettı. Mūnymen qosa, komissiia şeşımı belgılengen merzımde oryndalmaǧan jaǧdaida, jūmyskerdıŋ nemese jūmys beruşınıŋ sotqa jügınuge qūqy bar ekenı aitylady.
Sondai-aq, ministrlıktegıler jeke eŋbek daularyn qarau boiynşa belgılı bır merzımderdıŋ bolatynyn aitady. Mysaly, jūmysqa qaita alu turaly daular tuǧan jaǧdaida - jūmys beruşınıŋ eŋbek şartyn toqtatu turaly aktısınıŋ köşırmesı kelısu komissiiasyna tapsyrylǧan künnen bastap bır ai ışınde qaraluy tiıs. Al qalǧan basqa eŋbek daulary boiynşa jūmysker nemese jūmys beruşı öz qūqyǧynyŋ būzylǧany turaly bılgen nemese bıluge tiıs künnen bastap bır jyl ışınde şaǧymdana alady. Jūmystan aiyrylǧan jaǧdaidaǧy ötemaqy tölemderı qandai? Qyzmetker jūmystan aiyrylǧan jaǧdaida ötemaqy tölemderı mynandai jaǧdailarǧa bailanysty berıledı eken.
Bırınşı jaǧdaida jūmys beruşınıŋ bastamasy boiynşa eŋbek şarty būzylǧan kezde, ekınşısı jūmyskerlerdıŋ sany nemese ştaty qysqartylǧan jaǧdaida, jūmys beruşınıŋ bastamasy boiynşa eŋbek şarty būzylǧan kezde qyzmetkerge mındettı türde ötemaqy tölenedı. Al üşınşı jaǧdaida jūmys beruşı eŋbek şartynyŋ talaptaryn oryndamaǧan jaǧdaida jūmyskerdıŋ bastamasy boiynşa eŋbek şarty būzylǧan kezde bır aidaǧy ortaşa jalaqy mölşerınde jūmysynan aiyryluyna bailanysty ötemaqy tölemderın ala alady. Sondai-aq, eŋbek, ūjymdyq şarttarda nemese jūmys beruşınıŋ aktısınde jūmysynan aiyryluyna bailanysty ötemaqy tölemınıŋ neǧūrlym joǧary mölşerı közdeluı mümkın ekenı aitylady.
Şeteldık qyzmetkerge jūmysqa ornalasu talaptary, beru talaptary jäne rūqsat beru ūzaqtyǧy qandai? Elımızde öz betınşe jūmysqa ornalasqysy şeteldıkterge eŋbek jönındegı uäkılettı organnyŋ kvotasy şegınde üş jylǧa deiıngı uaqyt berıledı nemese ūzartylady eken. Şeteldık qyzmetker ne ol uäkılettık bergen adam jūmysqa ornalasuǧa arnalǧan rūqsatty alu nemese ūzartu üşın eŋbek qyzmetın jüzege asyratyn jerındegı uäkılettı organǧa qūjattardy qosa bere otyryp, ötınış beruı tiıs.
Al şeteldıktı jūmysqa alu nemese jūmysqa ornalastyruǧa rūqsatty uäkılettı organ qūjattardy qabyldaǧan künnen bastap bes jūmys künı ışınde qabyldaidy Şeteldık qyzmetkerge jūmysqa ornalasuǧa arnalǧan rūqsatty beru nemese ūzartu ne beruden nemese ūzartudan bas tartu turaly şeşımdı uäkılettı organ qūjattardy qabyldaǧan künnen bastap 5 jūmys künı ışınde qabyldaidy.
Al uäkılettı organ öz kezegınde şeteldık qyzmetkerge qabyldanan şeşım turaly ol qabyldanǧan künnen bastap 3 jūmys künı ışınde jazbaşa habarlauy kerek.
tengrinews.kz
