Şymkent qalasynyŋ aktivı memleket basşysy Qasym-Jomart Toqaevtyŋ Qazaqstan halqyna arnaǧan «Halyq bırlıgı jäne jüielı reformalar-el örkendeuınıŋ berık negızı» joldauyn talqylap, onda jüktelgen tapsyrmalar men mındetterdıŋ oryndaluyn qamtamasyz etuge jūmys jasaityndaryn mälımdedı. Sonymen qatar aldaǧy uaqytta nasihattyq top el damuynyŋ bas jospary – joldaudy halyqqa tüsındıretın bolady, dep habarlaidy "Adyrna" ūlttyq portaly Otyrar.kz saityna sılteme jasap.
Şymkent qalalyq äkımdıgınıŋ mäjılıs zalyna jinalǧan qauym QR prezidentı Qasym-Jomart Toqaevtyŋ Qazaqstan halqyna arnaǧan kezektı joldauyn keŋınen talqylady .
İkram Haşimjanov, qoǧam belsendısı: «Egerde auyl şrauaşylyǧyna köŋıl bölmesek, baǧalar tüspeidı. Prezident joldauynada subsidiiaǧa qatysty syn aitty. subsidiia qarapaiym şaruaşylyqtar üşın qoljetımdı boluy tiıs. Tek osy talaptar oryndalǧanda, bız özımızdı auyl şaruaşylyǧy önımderımen qamtimyz»
Asia Muhamedova, Şymkent qalasynyŋ tatar-başūqrt mädeni ortalyǧynyŋ töraiymy: «Joldauda prezident densaulyq saqtau salasynda atqarylatyn jūmystarǧa asa nazar audardy. Salaǧa qomaqty qarjy qūiu kerek. Prezidenttıŋ investorlardy tartyp, ozyq tehnologiialardy jäne jaŋa zertteu jūmystaryn igerudı qolǧa alu kerek degen tapsyrmasy aldaǧy uaqytta emhana, auruhana, ǧylymi ortalyqtardyŋ zamanui talaptarǧa sai jūmys ısteuıne jol aşady. Sonymen qatar medisina qyzmetkerlerınıŋ bedelın arttyru jäne olardyŋ jalaǧysyn köteru siiaqty bastamalar menıŋ köŋılımnen şyqty».
Pandemiiadan keiıngı kezeŋdegı ekonomikalyq damudy jalǧastyru maqsatynda 2025 jylǧa deiıngı damudyŋ Ūlttyq jospary jäne memlekettık josparlaudyŋ jaŋa jüiesı qabyldandy. Aiqyndalǧan mındetterdı jüzege asyru boiynşa jūmystar bastalyp kettı.
Mūrat Äitenov, Şymkent qalasynyŋ äkımı: «Biznestıŋ jol kartasy boiynşa byltyrǧymen salystyrǧanda biyl qarjylandyru artyp, 4,8 mlrd. qūrady. 7 aida 970 joba qarjylandyryldy.Nätijesınde jaŋa jūmys oryndary aşyldy».
Joldaudaǧy eŋbek naryǧynda tiımdı ekojüie qalyptasyru baǧytynda Ükımettıŋ köşı-qon saiasatynyŋ jaŋa tūjyrymdamasyn äzırleu jönındegı tapsyrmany qoldaǧan aǧa buyn ökılderı, el ışındegı eŋbek küşınıŋ ūtqyrlyǧy mäselesıne qatysty oilaryn da jetkızdı.
Joldaudaǧy äleumettık maŋyzy bar tauarlardyŋ baǧasyn tūraqtandyru baǧytynda şaharda jūmys ary qarai jalǧasyp, būl maqsatty jüzege asyruǧa qomaqty qarjy bölınetın boldy.
Jelgılıktı käsıpkerler, Otandyq tauarlardyŋ qataryn tolyqtyru baǧytynda orta jäne şaǧyn biznes ökılderıne qoldau körsetıletını bızdı yntalandyrady deidı.
Töreaiym Sūltanova, käsıpker, qalalyq mäslihat deputaty: «Ükımet tarapynan qoldau bızdıŋ jūmysymyzǧa serpın beredı. Ekınşı jaǧynan prezident parlamentke ärbır zaŋ jobasynyŋ qyr syryna tereŋ üŋılıp ony sapaly daiyndau tapsyryldy. Bızde mäslihat deputattary qalamyzdyŋ ekonomikalyq damuyna ülesın qosyp keledı dep aita alamyn».
Şahar basşysy, prezident joldauynda aitylǧan jūmystardy jüzege asyru boiynşa ärbır basqarmaǧa jeke tapsyrma berdı.
Mūrat Äitenov, Şymkent qalasynyŋ äkımı: «Orynbasarym Erǧali Bılısbekovke, qarjy basqarmasy, ekonomika jäne biudjettık josparlau basqarmasy basşylaryna biudjettıŋ oryndaluyn qarjynyŋ tiımdı jūmsaluyn qataŋ baqylaudy tapsyramyn».
Ziialy qauym, memlekettık qyzmetkerler, qoǧam belsendılerı, deputattardan jasaqtalǧan nasihattyq top şeşuşı kezeŋge qadam basqan memleketımızdı damytudyŋ bas jospar, baǧyt baǧdaryn halyqqa tüsındıredı.
"Adyrna" ūlttyq portaly
