Äl-Farabi audanynyŋ äkımı Raşid Myŋbaev eskı qalaşyqtyŋ tūrǧyndarymen kezdestı. Jüzdesu barysynda tūrǧyndar audan äkımıne özektı degen mäselelerın jetkızdı.
Qalamyzdyŋ eŋ ülken daŋǧyldarynyŋ bırı sanalatyn D.Qonaev jolairyǧynyŋ salynuyna bailanysty tuyndaǧan qiynşylyqtar ortaǧa salyndy. Audan äkımı jauapty merdıgerlermen kezdesıp, atalǧan mäselelerdıŋ 2-3 künnıŋ ışınde şeşımın tabatynyn aitty. Jolairyq qūrylysy qala üşın maŋyzdy jobalardyŋ bırı ekenın aitqan ol uaqytşa tuyndaǧan qiyndyqtarǧa tūrǧyndardy tüsınıstıkpen qarauǧa şaqyrdy.
Sondai-aq, tūrǧyndar eskı qalaşyqqa 2 balalar alaŋşasyn salu jönınde ötınışterın bıldırdı. Audan äkımı būl mäselenı demeuşılermen talqylap, jaqyn arada oŋ şeşımın tabatynyn aitty.
"Adyrna" ūlttyq portaly
