Şymkentte qyrküiek aiynyŋ 15-nen bastap jyl saiynǧy tūmauǧa qarsy ekpe egu jūmystary jürgızıletın bolady.
Atalǧan vaksinasiialau jūmystary ötken jyly 15 qyrküiek pen 15 qaraşa aralyǧynda ötken. Küz ailarynda salynatyn tūmauǧa qarsy ekpe koronovirus ındetın jūqtyru qaupın tömendetuge kömektese me?
Jyl saiynǧy tūmauǧa qarsy ekpe egu qyrküiek aiynyŋ 15-ınen bastalady. Sonymen qatar, 1-synyp oquşylaryna mantu synamasy men BSJ tuberkulezge qarsy vaksinasiialau jūmystaryn jürgızıu josparlanyp otyr deidı sala mamandary. Aitularynşa, ötken jyly tūmauǧa qarsy vaksinany qala halqynyŋ 10 paiyzy saldyrǧan eken. Biyl ol körsetkıştı 12%-ǧa arttyru josparlanyp otyr.
Baqytjan Pozilov, Şymkent qalalyq Densaulyq saqtau basqarmasynyŋ basşysy: «Jyl saiyn 15 qyrküiekte bastalady. Būl tūmauǧa qarsy vaksinasiia. Biyl 12 paiyzǧa kötersek dep otyrmyz. Būl koronovirustyŋ tömendeuıne äkeletın joldyŋ bırı».
Tūmauǧa qarsy vaksinasiiany alǧandar arasynda aǧymdaǧy jyldyŋ qaŋtar-tamyz ailarynda difteriia, kökjötel, sırespe sekıldı infeksiialyq aurular tırkelmegen. Qalalyq densaulyq saqtau basqarmasynyŋ basşysy tegın vaksinasiialau üşın reseiden «Grippol plius» vaksinasy satyp alynǧanyn mälımdedı. Ekpenı qauıp-qater tobyndaǧy azamattar tūrǧylyqty emhanasy boiynşa saldyra alady.
Baqytjan Pozilov, Şymkent qalalyq Densaulyq saqtau basqarmasynyŋ basşysy:» Tūmauǧa qarsy vaksina 130 myŋnan astam qala tūrǧynyna josparlap otyr. Düniejüzılık densaulyq saqtau ūiymynyŋ ūsynysyna säikes jyl saiyn qala boiynşa halyqtyŋ 10%-dan astamy boluy qajet. Bız 12 paiyzǧa josparlap otyrmyz».
Sondai-aq, qalalyq bılım basqarmasynyŋ basşysy «oquşylarǧa kovidke qarsy vaksinasiia salynbaitynyn, äleumettık jelılerde taraǧan aqparattyŋ jalǧan ekendıgın aitty. Kez kelgen ekpe türı balaǧa tek ata-ana rūqsatymen salynady, sol sebeptı alaŋdauǧa eş negız joq deidı. Ekpe tūrǧyndardyŋ qalauymen, erıktı türde salynatyn bolady.
Janat Täjieva Şymkent qalalyq Bılım basqarmasynyŋ basşysy: «Balalarǧa koronovirusqa qarsy vaksina salu ürdısı oryn alǧan joq. Būl keibır ata-analar arasynda taraǧan aqparat şyndyqqa janaspaidy, būl dezinformasiia».
Sonymen qatar, qalanyŋ bas därıgerı qaladaǧy epidahualdyŋ tūraqtalyp qalǧanyn aitady. Qazırgı taŋda 1134 azamat stasionarda em qabyldasa, auruhanalardaǧy tösek oryn tolymdylyǧy 45%-dy qūraidy. Al koroniovirusqa qarsy ekpenıŋ II komponentın tolyq alǧandar sany 375 000.
Güldana Däuren
