«Antikor.Live» jobasy aiasynda Şymkent qalasynyŋ dene şynyqtyru jäne sport basqarmasynyŋ basşysy Bauyrjan Tūmanbaev atalǧan salada 8 aida atqarylǧan jūmystarmen tanystyrdy.
«Antikor ortalyǵy» servistık ortalyǧynyŋ alaŋynda ötken efir barysynda sporttyq üiırmelerdı jan basyna şaqqandaǧy qarjylandyrudyŋ ıske asyryluy, sporttyq infraqūrylymdy damytu, sporttyq jetıstıkter boiynşa jäne t.b. aqparattar berıldı.
Bügıngı taŋda, qalada 4096 balaǧa 71 sport türınen tegın sport seksiialaryn ūiymdastyru üşın jergılıktı biudjetten (jan basyna şaqqandaǧy qarjylandyru) 339,8 mln. teŋge qarjy baǧyttalǧan. Odan bölek, ötken jylǧy 6 aidyŋ qorytyndysymen salystyrǧanda qalada sport nysandar sany 34 bırlıkke artyp, 2 dene şynyqtyru-sauyqtyru keşenınıŋ qūrylys jūmystary jürgızılude.
Bauyrjan Tūmanbaev sporttyq jetıstıkterge toqtalyp, 2021 jyldyŋ 8 aiyndaǧy körsetkışte qala sportşylary sport türlerı boiynşa Qazaqstan Respublikasynyŋ chempionattary, kuboktary men bırınşılıkterıne qatysyp, 408 altyn, 315 kümıs, 352 qola medal jeŋıp alǧanyn aita kettı.
Sonymen qatar, basqarma tarapynan sybailas jemqorlyqqa qarsy mädeniettı qalyptastyru maqsatynda tūraqty türde mekeme qyzmetkerlerıne tüsındıru jūmystary jürgızılıp otyrǧandyǧynan habardar ettı.
"Adyrna" ūlttyq portaly
