Bügın Şymkent qalasy mäslihatynyŋ deputattary Äl-Farabi audanynda atqarylyp jatqan jūmystardyŋ barysymen tanysty. Audan äkımı Raşid Myŋbaev qūrylysy qarqyndy jürıp jatqan nysandardaǧy jūmys barysyn baiandady.
Halyq qalaulylary eŋ aldymen tömengı Otyrar şaǧynaudanynyŋ 38, 40, 13/1 jäne 13/1 A aulalarynda soǧylyp jatqan balalar alaŋşalaryna bardy. Bügınde onda abattandyru jūmystary jürgızılude. Atalǧan aulalarda tūrǧyndardyŋ jailylyǧy üşın oryndyqtar, bastyrma, qoqys jäşıkterı, zamanaui ülgıdegı oiyn elementterı ornatyluda.
Sondai-aq, mäslihat deputattary demeuşı esebınen salynyp, mamyr aiynda paidalanuǧa berılgen Älımbetov köşesı 45 V mekenjaida ornalasqan sport alaŋşasyn kördı. Äl-Farabi audanynda Serık Tölbasovtyŋ demeuşılıgımen jalpy 7 sport alaŋşasyn salu josparlanǧan. Onyŋ 4-ı halyq igılıgıne berılse, 3-ı küz mezgılınde salynbaq.
Qalalyq mäslihat deputattary Danabek İsabekov, Äigerım Jūmaǧūlova, Qairat Süleimenov jylytu mausymyna daiyndyq jūmystaryn tekseru maqsatynda «Quatjyluortalyǧy-3» jylu qazandyǧyn da aralap kördı. Jylytu qondyrǧylary men qazandyqtardyŋ tehnikalyq jylytu jüiesımen tanysty.
"Adyrna" ūlttyq portaly
