Şymkent qalasynyŋ densaulyq saqtau basqarmasynyŋ basşysy B.Pozilov pen bılım basqarmasynyŋ basşysy J.Täjievanyŋ qatysuymen aqparattyq-kommunisiialyq ortalyǧynda balalarǧa salynatyn vaksinasiia turaly brifing öttı.
Densaulyq saqtau basqarmasy basşysynyŋ aituynşa, elımızde koronavirusqa qarsy salynyp jatqan vaksinanyŋ barlyǧy 18 jastan asqandarǧa arnalǧan.
«Balalarǧa vaksina salynady eken degen qaueset halyqty üreilendırıp jatyr. Vaksinanyŋ balalarǧa salynatynyn rastaityn eşqandai resmi qūjat joq. Sondyqtan mūndai aŋyz aqparatty taratudy doǧaru kerek. Onyŋ barlyǧy halyqty alaŋdatu maqsatynda jasalyp jatyr dep oilaimyn. Al aǧymdaǧy jyldyŋ 15-qyrküiegınen bastap elımızde tūmauǧa qarsy ekpe saldyru jūmystary bastaldy. Būl vaksina tūrǧylyqty meken-jaiy boiynşa kelısım bergen jaǧdaida qauıp qater tobyndaǧy azamattarǧa tegın salynady. Barlyq qala tūrǧyndaryn «oquşylarǧa kovidke qarsy vaksina salynady» degen qaŋqu sözderge senbeuge şaqyramyn»,-dedı B.Pozilov.Qalanyŋ bas därıgerı Şymkentte epidemiialogiialyq jaǧdaidyŋ tūraqtalǧandyǧyn atap öttı. Bügınde 1134 azamat stasionarda em qabyldauda. Tösek-oryn tolymdylyǧy 45% qūraidy, 1366 tösek orny bos. Al qala boiynşa bügınde I komponentpen 443 287 adamǧa, II komponentpen 375 000 adamǧa vaksinasiialau jasaldy. Öz kezınde bılım basqarmasynyŋ basşysy J.Tajieva kez-kelgen vaksina ata-ananyŋ rūqsatynsyz salynbaitynyn jäne taralyp jatqan aqparattardyŋ jalǧan ekenın aitty. Bügıngı taŋda qaladaǧy 203 mektepte 233 myŋnan asa oquşy oqidy. Barlyq bılım beru mekemelerınde sanitarlyq talap qataŋ saqtalǧan.
"Adyrna" ūlttyq portaly
