QR Täuelsızdıgınıŋ 30 jyldyǧyna orai Şymkent qalasynyŋ 4 audanynda «Jastar resurstyq ortalyǧynyŋ» bölımşelerı aşyldy. Ortalyqtyŋ aşyluyna qala äkımı Mūrat Äitenov pen «Qazaqstan jastar kongresı» zaŋdy tūlǧalar bırlestıgınıŋ atqaruşy direktory Toqtar Bolysov qatysty. Şara barysynda qala äkımı jastar ortalyǧynyŋ jūmysymen tanysyp, yntymaqtastyq memorandumyna qol qoidy.
Bügın Şymkentte el Täuelsızıgınıŋ 30 jyldyq mereitoiyna orai «Jastar resurstyq ortalyǧynyŋ» bölımşelerınıŋ aşylu saltanaty öttı. Ortalyq basşysy Erlan Aitbaev, şaraǧa arnaiy qatysqan qala äkımın Qaratau audandyq jastar ortalyǧynyŋ jūmystarymen tanystyrdy. «Audan tūrǧyndaryna qaladaǧy jalǧyz ortalyqqa kelu qiyndyq tuǧazǧan soŋ, bölımşeler aşu turaly şeşım qabyldadyq» deidı qala äkımı.
Mūrat Äitenov, Şymkent qalasynyŋ äkımı: «Är audanǧa bır-bır jastar ortalyǧyn aşyp jatyrmyz. Onda bırınşıden jastarymyz konsultanttyq orynǧa kele alady. Jastardyŋ jūmysqa ornalasuy, qalamyzdaǧy biznes salasyndaǧy josparlarǧa, otbasy qūryp ony damytuǧa äreket jasauǧa ülken ortalyqtar bar».
Ortalyqta jūmys ısteitın kıtaphana künıne 10-15 adamdy qabyldauǧa mümkındıgı bar. Al kovorking bölımı bır uaqytta 12 jas azamattardy jūmys ornymen qamti alady. Psiholog-mediatorlar jastarmen jūmys ısteu maqsatynda arnaiy jinaqtar daiyndaǧan.
Sondai-aq, aşylu saltanatynda Mūrat Äitenov «Qazaqstan jastar kongresı» zaŋdy tūlǧalar bırlestıgınıŋ atqaruşy direktory Toqtar Bolysovpen yntymaqtastyq memorandumyna qol qoidy. Kongres direktorynyŋ aituynşa, «audan kölemındegı jastar ortalyǧy alǧaş bolyp Şymkent qalasynda aşylyp otyr».
Tohtar Bolysov, «Qazaqstan jastar kongresı» zaŋdy tūlǧalar bırlestıgınıŋ atqaruşy direktory: «Osyndai ortalyq eşbır öŋırlerde joq, audandyq deŋgeide. Keibır öŋırlerde bar, keibırınde naşarlau. Bıraq däl osyndai audandyq «Jastar resurstyq ortalyǧyn» bırınşı ret körıp tūrmyn. 17 öŋırdı bırneşe ret aralaǧanmyn, täjıribemnıŋ arqasynda osyny aita alamyn».
Paidalanuǧa berılgen 2 qabatty ortalyq bırden 50-100 adamǧa negızgı 5 baǧyt boiynşa qyzmet körsete alady. Atap aitsaq, «Jastarǧa qyzmet körsetu», «Talantty jastardy qoldau baǧyty, «Kovorking ortalyǧy», «Şaǧyn kıtaphana», «Psihologiialyq keŋes beru». Sonymen qatar, ortalyq janynan jastardyŋ bos uaqytyn tiımdı paidalanuǧa arnalǧan 7 üiırme-klubtary qūrylǧan.
Güldana Däuren
