Türkıstan oblysynyŋ äkımı Ömırzaq Şökeev Memleket basşysy Qasym-Jomart Toqaevtyŋ Qazaqstan halqyna Joldauyn jüzege asyru boiynşa oblys aktivımen kezdestı.
Aimaq basşysy jinalysqa qatysuşylarǧa Joldaudaǧy jetı basty basym baǧyttar men naqty atqarylatyn jūmystardy aiqyndap berdı. Sözınşe, 2025 jyly jyly jergılıktı maŋyzy bar avtomobil joldarynyŋ jaqsy jäne qanaǧatty jaǧdaidaǧy ülesın 99 %-ǧa jetkızu josparlanuda. Sonymen qatar, osy jyly jalpy 444 eldı mekenge gaz tartylǧan.
Ömırzaq Şökeev, Türkıstan oblysynyŋ äkımı: «2021 jyly jergılıktı maŋyzy bar avtomobil joldarynyŋ jaqsy jäne qanaǧatty jaǧdaidaǧy ülesın 79 paiyzdan 87 paiyzǧa jetetın bolady. Al 25 jylǧa deiın 99 paiyzǧa jetkızemız dep josparlap otyrmyz. Aǧymdaǧy jyly 444 eldı mekenge tabiǧi gaz tartyldy. Qamtu körsetkışı 52 paiyz bolyp tūr. 21 jyldyŋ qorytyndysymen ortalyqtandyrylǧan auyz sumen jalpy 717 eldı meken qamtyldy. 25 jylǧa tolyq 100 paiyz qamtylamyz degen jospar bar».
Jiynda bırqatar baiandamaşylar jaryssözge şyǧyp, Joldau aiasynda berılgen tapsyrmalar men atqarylatyn jūmystar jönınde öz oilaryn ortaǧa saldy.
Alişer Satybaldiev, «Janubii Qozoǧiston» gazetınıŋ direktory: «Būqaralyq aqparat qūraldarynyŋ äsırese, merzımdı basylymdardyŋ potensialyn tolyq paidalanuymyz kerek. Gazet betterınde Joldaudy qoldau bastamalary boiynşa jaŋa aidarlar aşylyp, sala mamandarynyŋ pıkırı köptep berıluı kerek dep oilaimyn».
Aimaq basşysy 3 auysymdy mektep mäselesın şeşu maqsatynda oblysta 78 mekteptıŋ qūrylysy jürıp jatqanyn alǧa tartty. Biyl 44 mekteptıŋ qūrylysy aiaqtalady. 5 jylda 134 jaŋa mektep salu josparlanuda.
Jiyn soŋynda oblys äkımı Memleket basşysynyŋ halyqqa Joldauyndaǧy mındetterdı sapaly jüzege asyryp, būl baǧyttaǧy jūmystardy küşeitudı tapsyrdy.
Älihan Faizhanov
