Qazaqstanda mūǧalımderge 50 paiyzǧa deiın qosymşa aqy beru zaŋdastyryldy, - dep habarlaidy "Ädılet" normativtık qūqyqtyq aktılerdıŋ aqparattyq-qūqyqtyq jüiesı.
Özgerıster Qazaqstan Respublikasy Ükımetınıŋ 2015 jylǧy 31 jeltoqsandaǧy № 1193 "Azamattyq qyzmetşılerge, memlekettık biudjet qarajaty esebınen ūstalatyn ūiymdardyŋ qyzmetkerlerıne, qazynalyq käsıporyndardyŋ qyzmetkerlerıne eŋbekaqy töleu jüiesı turaly" qaulysyna engızılgen.
Jaŋartylǧan bılım mazmūny boiynşa bastauyş, negızgı jäne jalpy orta bılım beretın oqu baǧdarlamalaryn ıske asyratyn bılım beru ūiymdarynyŋ mūǧalımderıne 30 paiyz kölemınde qosymşa aqy berıletını aitylady.
"Körsetılgen qosymşa aqyny belgıleu tärtıbı men şarttaryn bılım beru salasyndaǧy uäkılettı organ aiqyndaidy. Atalǧan qosymşa aqy lauazymdyq ailyqaqyǧa zaŋnamada belgılengen normativtık oqu jüktemesınen artyq emes naqty jüktemenı eskere otyryp belgılenedı", - delıngen qūjatta.
Sondai-aq, bılım beru baǧdarlamalaryn ıske asyratyn ūlttyq bılıktılık testınen ötken bastauyş, negızgı jäne jalpy orta bılım beretın mūǧalımderge: pedagog-şeber, pedagog-zertteuşı, pedagog-sarapşy, pedagog-moderatorlarǧa 30-50 paiyz kölemınde qosymşa aqy tölenetını aitylady.
"Körsetılgen qosymşa aqyny belgıleu tärtıbı men şarttaryn bılım beru salasyndaǧy uäkılettı organ aiqyndaidy. Atalǧan qosymşa aqy lauazymdyq ailyqaqyǧa zaŋnamada belgılengen normativtık oqu jüktemesınen artyq emes naqty jüktemenı eskere otyryp belgılenedı. Osy tarmaq 2018 jylǧy 1 qyrküiekten bastap qoldanysqa engızıledı", - delıngen qūjatta.
Osy qaulynyŋ 2018 jyldyŋ 1 qaŋtarynan bastap qoldanysqa engızıletını aitylady.
tengrinews.kz
