Almatynyŋ №2 Äuezov audandyq soty jeke sot oryndauşysynyŋ B.Baibektıŋ ar-namysyn, qadır-qasietın jäne bedelın qorǧau jönındegı sot şeşımınıŋ jalǧan materialdardy joiu jäne tiıstı terıske şyǧarudy jariialau bölıgınde tolyq oryndalmauy turaly ötınışın qanaǧattandyrdy. Būl turaly zaŋger Aijan Täşenova jazdy, dep habarlaidy «Adyrna» tılşısı.
«Sot Mamai men İmanbaevaǧa lisenziialar, rūqsattar, arnaiy qūqyqtar beruge tyiym salu, sondai-aq Mamaidyŋ jürgızuşı kuälıgınıŋ qoldanyluyn uaqytşa toqtata tūru turaly şeşım şyǧardy. Alaida, İmanbaeva üşın būl tarmaq 2017 jyly onyŋ jürgızuşı kuälıgınıŋ qoldanylu merzımınıŋ aiaqtaluyna bailanysty özektı emes. Esterıŋızge sala keteiın, būl şaralar sot oryndauşysy tarapynan ıske asyryluda. Olar zaŋnamada «qūqyq üstemdıgı» qaǧidatyn qamtamasyz etu maqsatynda naqty jazylǧan. Zaŋ barlyǧyna bırdei»,– dedı ol.Zaŋger sot prosesı turaly da aqparat berdı.
«Sot otyrysy kezınde İmanbaeva qandai da bır zaŋgerlerdıŋ pıkırıne sılteme jasai otyryp, rūqsat beru qūjattaryn şekteu boiynşa qabyldanatyn şaralardyŋ zaŋsyzdyǧy turaly maǧynasyz ritorikany jalǧastyrǧanyn atap ötemın. Men būǧan deiın osy mäsele boiynşa tiıstı resmi tüsınıktemeler bergen bolsam da, söz ūqpaityndarǧa taǧy bır ret tüsındırıp öteiın. «Atqaruşylyq ıs jürgızu jäne sot oryndauşylarynyŋ märtebesı turaly» Zaŋda naqty negızdemeler qarastyrylǧan. Sonyŋ bırı – mülıktık emes sipattaǧy talaptardy oryndamau bolyp tabylady. Oǧan 2 instansiiadaǧy sottar qabyldaǧan şeşımder boiynşa jalǧan videolardy joiu jäne terıske şyǧaru da jatady. Aldaǧy uaqytta boryşkerlerge prosestıŋ barlyq qatysuşylarynyŋ uaqytyn ünemdeudı jäne olar üşın tolyqtai tegın berıletın sapaly keŋes alu üşın dereu maǧan habarlasudy ūsynamyn. Jauapkerler men olardyŋ ökılı äreketınıŋ qisynsyzdyǧy taǧy da taŋ qaldyruda. Sot oryndauşysy dūrys atap ötkendei, Mamai men İmanbaeva sot şyǧarǧan şeşımnıŋ ädıldıgı men zaŋdylyǧyn moiyndai otyryp, sot şyǧyndaryn tolyq ötegen. Al endı olardyŋ şeşımnıŋ basqa bölıgın oryndamau äreketterı kem degende qisynsyz ärı eş nätijesız.Täşenovanyŋ aituynşa, Mamai men onyŋ zaŋgerı E.Qalievtıŋ ıs-äreketterınıŋ qisynsyzdyǧynyŋ taǧy bır mysaly – sot şeşımınıŋ oryndaluyn keiınge qaldyruǧa tyrysuy.
«Keşegı otyrysta Qaliev jala japqan videony joiudy jäne ony jariia türde terıske şyǧarudy keiınge qaldyru turaly audandyq sotqa ötınış bergenıne bailanysty öndırıstı toqtata tūru qajettılıgı turaly aitty. Būl da onyŋ sot şeşımınıŋ ädıldıgı men zaŋdylyǧyn tolyq moiyndaǧanyn rastaidy! «Zaŋger» Qalievtıŋ sot prosesıne qaitadan eş daiyndyqsyz qatysqanyn aitudyŋ özı yŋǧaisyz. Nelıkten oǧan senım bıldıruşılerdıŋ jürgızuşı qūqyǧyn toqtata tūruǧa bolmaityny turaly qorǧauşy taraptyŋ pozisiiasyn qarapaiym türde aityp jetkızu kerek bolatyn. Özderınıŋ sätsız jeŋılısterın jasyruǧa tyrysqan Mamai men Qaliev taǧy da sot otyrysynan körınıs ūiymdastyruǧa tyrysty. Qaitadan bos äureşılıkke salynyp, jalǧan «dälelderıne» jügındı. Nätijesınde, Mamaiǧa endı jaiau jüruge tura keledı. Menıŋ Mamai men İmanbaevaǧa berer keŋesım – būdan bylai da şekteu şaralaryna ūşyramau üşın tek sot şeşımın tolyǧymen oryndau qajet! Jauapkerlerge salynǧan jaŋa sanksiialar olardyŋ esın jidyryp, olar aqyrynda dūrys şeşım qabyldap, jalǧan materialdardy joiyp, özderınıŋ iutub-arnalarynda terıske şyǧarudy jariialaidy dep ümıttenemın. Eger osy talap oryndalsa, onda barlyq şekteuler dereu alynyp tastalady. Būlai bolmaǧan jaǧdaida, bız olardyŋ basty «şouynyŋ» - Almaty köşelerın sypyrularynyŋ kuäsı bolamyz»,— dep sözın qorytyndylady ol.
