AQŞ Respublikalyq partiiasynyŋ bas mediaresursy, Fox News telearnasy Qazaqstan tumasy, prezident Djo Baidennıŋ aqşa ainalymyn baqylau basqarmasynyŋ (Comptroller of the Currency) basşysyna ūsynǧan kandidaty Säule Omarovany 26 jyl būryn ūrlyq jasady dep aiyptady, - dep habarlaidy “Adyrna” ūlttyq portaly Tengrinews.kz saityna sılteme jasap.
Fox News telearnasynyŋ mälımetınde 1995 jyly Omarova TJ Maxx dükenınen 214 dollar tūratyn tört jūp aiaq kiım, ekı odekolon, ekı belbeu jäne şūlyq ūrlaǧany üşın qamauǧa alynǧany aitylǧan.
Telearna Omarova Viskonsin ştatynyŋ Medison qalasynda düken tonady degen aiyppen qamauǧa alynǧanyn habarlady. Viskonsin ädılet departamentınıŋ mälımetınşe, oqiǧa 1995 jyly 2 mausymda bolǧan. Kezekşılıkte bolǧan, ūrlyqty körgen qauıpsızdık qyzmetkerı TJ Maxx Fox News-ke onyŋ zergerlık dükende bırneşe zattyŋ aqşasyn tölegenın, bıraq "sömkesınde jasyrylǧan zattardyŋ aqysyn töleuge tyryspaǧanyn" aitty. Omarova keiın kınäsın moiyndap, aqşasyn tölegenı, odan taǧylǧan aiyptar alynyp tastalǧany aityldy.
Basylym Twitter-de American Accountability Foundation kommersiialyq emes ūiymy jariialaǧan ıs turaly esep Senattyŋ bank komitetınde Omarovanyŋ alǧaşqy tyŋdauyna qatysty qiyn kürestı küşeittı dep atap öttı.
Osy aiyptaudan keiın Aq üi mälımdeme jasap, Omarovany "tek bılıktı" kandidat retınde qorǧap, būl ıstı "tüsınbeuşılık jäne şatastyratyn jaǧdai" dep atady.
"Säule Omarova joǧary bılıktılıkke ie, osy lauazymǧa retteu salasyndaǧy mol täjıribesı, küştı akademiialyq bılımı eskerıle otyryp ūsynyldy. Aq üi būl tarihi nominasiiany qatty qoldaidy", - dedı Aq üi ökılı.
"Tüsınıktı bolu üşın aita keteiık, Säule būl oqiǧaǧa özınıŋ bükıl mansaby, sonyŋ ışınde Senatta, mälımdemelerde jäne Buş äkımşılıgı kezınde, Qarjy ministrlıgınde jūmys ıstegen kezde aşyq boldy. Būl ıs 1996 jyldyŋ qaŋtarynda - 25 jyl būryn jabyldy, būl tüsınbeuşılık tuǧyzyp otyr, şatystyratyn jaǧdaidyŋ nätijesı boldy", - delıngen habarlamada.
Aq üi ökılı Fox News telearnasynyŋ alǧaşqy reportajy men jūmbaq "öte oŋşyl saiasi toby" üşın aiyptaularyn synady.
"Terıs mınez-qūlyq körsetetın oŋşyl saiasi top Fox News-pen bırge öz elıne qyzmet etuge ūmtylǧan bılıktı kandidattyŋ atyn jamandau üşın jūmys jasaityny ökınıştı", - dedı şeneunık.
“Adyrna” ūlttyq portaly
