«Shymkent önimderi — 2021» körmesıne 100-ge juyq kompaniia qatysuda

Şymkenttegı «Körme» ortalyǧynda Qazaqstan Respublikasy Täuelsızdıgınıŋ 30 jyldyǧyna orai qala äkımdıgı ūiymdastyrǧan «Shymkent Önımderı — 2021» atty jergılıktı tauar öndıruşılerdıŋ körmesı bastaldy. Üş kün boiy jalǧasatyn körmenıŋ maqsaty — jergılıktı tauar öndıruşılerdı tūtynuşylarǧa keŋınen tanystyryp, olardyŋ ısın ılgerıletuge kömektesu. Būl şaraǧa öŋdeu önerkäsıbı baǧytynda jūmys ıstep, daiyn önım şyǧaryp jatqan 100-ge juyq şymkenttık kompaniia qatysuda. Olardyŋ arasynda qūrylys materialdaryn, jihaz, medisinalyq qūral-jabdyqtar öndıretın käsıporyndar bar. Şymkent qalasynyŋ äkımı Mūrat Äitenov körmenı aralap, ūsynylǧan tauarlarmen tanysyp şyqty. —Memleket basşysy Qasym-Jomart Toqaevtyŋ tapsyrmasyna säikes, 2025 jylǧa deiın öŋdeu önerkäsıbındegı eksport kölemın 1.5 esege, al, eŋbek önımdılıgın 30 paiyzǧa arttyruǧa tiıspız. Osy maqsatqa qol jetkızu üşın bügınde Şymkent qalasynda jergılıktı tauar öndıruşılerge jüielı türde jan-jaqty qoldau körsetılıp keledı. Bügıngı körme sonyŋ bır aiǧaǧy. Būl ıs-şaraǧa türlı memlekettık organdardyŋ, jobalauşy jäne merdıger mekemelerdıŋ ökılderı jäne özge de äleuettı satyp aluşylar qatysuda. Mūnda tauar öndıruşıler öz önımderın tanystyryp qana qoimai, özara tiımdı kelısımder jasau mümkındıgıne ie, — dedı Şymkent qalasynyŋ äkımı Mūrat Äitenov. Körmege qatysuşy kompaniialardyŋ bırı — «MedCamfort» JŞS-ı. Būl käsıporyn medisinalyq jihaz ben qūral-jabdyqtar öndıredı. —Bızdıŋ käsıporyn 2016 jyldan berı jūmys ıstep keledı. Bügınde 50 adamdy jūmyspen qamtyp otyrmyz. Kez kelgen emhana men auruhanany medisinalyq qūral-jabdyqtar jäne jihazben tolyq jabdyqtai alamyz. Äsırese, kuşetkalar men tört funksionaldy avtomattandyrylǧan kereuetterge sūranys joǧary. Öndırıstı keŋeitu maqsatynda «Jūldyz» industrialdy aimaǧynan ülken jaŋa zauyt salyp jatyrmyz, — deidı «MedCamfort» JŞS-ınıŋ atqaruşy direktory Jadyra Änuarbekqyzy. Aita keteiık, körmenıŋ aiasynda türlı baiqaular men eksportty ılgerıletu jönındegı keŋes ötkızıledı. Onda tauar öndıruşılerge memlekettık qoldau şaralary tüsındırılıp, eksportqa şyǧu barysyndaǧy problemalardy käsıpkerlermen bırlesıp talqylau josparlanǧan.