Oblys äkımı Nūrlan Noǧaev ekı kündık jūmys sapary aiasynda Jaŋaözen qalasynyŋ äleumettık-ekonomikalyq damu jaǧdaiymen tanysty, dep habarlaidy "Adyrna" ūlttyq portaly Maŋǧystau oblysy äkımınıŋ baspasöz qyzmetıne sılteme jasap.
Qala mektepterınde maman tapşylyǧy bar. Bügınde bılım oşaqtarynda matematika, orys tılı, aǧylşyn tılı jäne tarih pänınıŋ mūǧalımderı jetıspeidı. Oblys äkımı mūǧalımdermen tıldesu barysynda kei mektepterde "Diplommen auylǧa" memlekettık baǧdarlamasymen kelgen mamandardyŋ üilı bolǧanymen, köterme qarajatty almaǧany belgılı boldy. Nūrlan Noǧaev jauapty azamattarǧa mäselenıŋ anyq-qanyǧyna jetudı tapsyrdy.
- Būl baǧdarlama elımızdegı jas mamandardy äleumettık qoldau jäne kadr tapşylyǧyn tömendetuge baǧyttalǧan. Osynyŋ arqasynda bız mektepterdı qajettı mamandarmen qamtyp otyrmyz. Būl baǧdarlamanyŋ ärbır qatysuşysyna tiıstı köterme järdemaqy tölenıp, baǧdarlamadaǧy jeŋıldıkter men negızgı şarttardy tüsındıru kerek. Ūlttyŋ bolaşaǧyna yqpal etetın ūstazdar. Sondyqtan da pedagogtardy qoldau bızdıŋ negızgı maqsatymyz bolyp qalady, — dedı Nūrlan Noǧaev.
Is-sapardyŋ alǧaşqy künı aimaq basşysy Jaŋaözen qalasyna qarasty Tenge, Qyzylsai, Kendırlı auyldaryndaǧy äleumettık nysandardy aralap, bügıngı jaǧdaiyn kördı.Qalany damytudyŋ 2025 jylǧa deiıngı keşendı jospary aiasynda bırqatar medisinalyq nysan boi köterude. Osy jyldyŋ qyrküiek aiynda Qyzylsai auylynda därıgerlık ambulatoriia qoldanysqa berılse, jyl soŋyna deiın Jaŋaözen qalasynda 50 oryndyq ozyq ülgıdegı medisinalyq ortalyq aşylady. Nūrlan Noǧaev emhananyŋ qūrylysymen tanysyp, zamanaui medisinalyq qūral-jabdyqtarmen jūmys ısteitın mamandardy qazırden daiyndau kerektıgın aitty.
Jaŋaözen qalasynda mektepke degen sūranys jyl saiyn artyp keledı. 2020 jyly – 33,6 myŋ oquşy, 2021 jyly – 34,2 oquşy bılım alsa, 2025 jyly qala mektepterınde oqityn oquşylardyŋ sany 37 myŋǧa artady dep josparlanuda. Mektepterdegı oryn tapşylyǧyn joiu maqsatynda "Şaŋyraq" şaǧyn audanynda memlekettık-jekeşelık ärıptestık şeŋberınde 1 500 orynǧa arnalǧan smart mektep salu közdelıp otyr. Mektepte balalardyŋ damuyna jan-jaqty jaǧdai jasalady, atap aitqanda telestudiia, oiyn bölmelerı, şyǧarmaşylyq zertteuler üşın 3D printerı, robototehnika kabinetterı, temır men aǧaş öŋdeu şeberhanalary jūmys ısteitın bolady. Joba qūny — 4,8 mlrd. teŋge.
Qala mektepterınde maman tapşylyǧy bar. Bügınde bılım oşaqtarynda matematika, orys tılı, aǧylşyn tılı jäne tarih pänınıŋ mūǧalımderı jetıspeidı. Oblys äkımı mūǧalımdermen tıldesu barysynda kei mektepterde "Diplommen auylǧa" memlekettık baǧdarlamasymen kelgen mamandardyŋ üilı bolǧanymen, köterme qarajatty almaǧany belgılı boldy. Nūrlan Noǧaev jauapty azamattarǧa mäselenıŋ anyq-qanyǧyna jetudı tapsyrdy.
- Būl baǧdarlama elımızdegı jas mamandardy äleumettık qoldau jäne kadr tapşylyǧyn tömendetuge baǧyttalǧan. Osynyŋ arqasynda bız mektepterdı qajettı mamandarmen qamtyp otyrmyz. Būl baǧdarlamanyŋ ärbır qatysuşysyna tiıstı köterme järdemaqy tölenıp, baǧdarlamadaǧy jeŋıldıkter men negızgı şarttardy tüsındıru kerek. Ūlttyŋ bolaşaǧyna yqpal etetın ūstazdar. Sondyqtan da pedagogtardy qoldau bızdıŋ negızgı maqsatymyz bolyp qalady, — dedı Nūrlan Noǧaev.
Sonymen qatar aimaq basşysy Kendırlı auylynda salynyp jatqan 300 oryndyq mädeniet üiınıŋ qūrylysymen tanysty. Joba "Auyl — el besıgı" memlekettık baǧdarlamasy boiynşa jüzege asuda. Mūnda körermen zaly, 14 myŋ kıtap qory saqtalatyn kıtaphana ornalasady. Nūrlan Noǧaev qūrylystyŋ qarqynyn baqylauda ūstaudy tapsyrdy.Jūmys sapary barysynda oblys äkımı Qazaq gaz öŋdeu zauytynyŋ jūmysymen tanysty. Aimaq sūiytylǧan gazdy paidalanatyn ırı tūtynuşylardyŋ bırı. Oblys avtokölıkterınıŋ 90 paiyzdan astamy sūiytylǧan gazdy paidalanady.
Öŋırge negızgı gaz jetkızuşı - Qazaq gaz öŋdeu zauyty (QazGÖZ). Onyŋ tehnikalyq qūrylǧylary 90 paiyzǧa tozǧan. Zauyttyŋ apattyq jaǧdaida jiı toqtauy halyqty otynsyz qaldyruy mümkın. Osyǧan orai QazGÖZ bazasynda jaŋa gaz öŋdeu zauytyn salu mäselesınıŋ keşıktırıluı ekonomikalyq qana emes, äleumettık qauıptı de töndıruı yqtimal.Osyǧan bailanysty oblys äkımı jauapty tūlǧalarǧa atalǧan mäselenı ünemı baqylauda ūstaudy tapsyrdy.
"Adyrna" ūlttyq portaly
