Bügın Astanada şeteldegı etnikalyq qazaqtarynyŋ tarihy men bügıngı äleumettık tūrmysyn baiandaityn «Qiyrdaǧy qazaqtar» derektı filmınıŋ tūsaukeserı öttı, dep jazady Qamshy.kz tılşısı. Būl 8 bölım bolady dep josparlanǧan alys-jaqyn şetelderde ömır süretın qazaqtar turaly filmnıŋ alǧaşqy seriiasy.
Är bölımı 40 minuttan jasalatyn atalǧan jobany QR Aqparat jäne kommunikasiialar ministrlıgı 2017 jyly şıldede josparlap, jüzege asyrdy. Derektı film ūlttyq sana men töl tarihty jaŋǧyrtu, alys-jaqyn şetelderde tūryp jatqan qazaqtardyŋ şynaiy ömırın körsetu maqsatynda tüsırılgen. Filmge käsıpker Oralbek Botbai demeuşılık etken. Jospar boiynşa film aǧylşyn tılıne audarylady.
Tüsırılım toby öte auqymdy jūmystardy atqarǧan. Reseidıŋ Astrahan, Moŋǧoliianyŋ Ūlanbatyr qalasyn, Özbekstan astanasy Taşkenttegı Kenimeh audanyna deiıngı jäne Täjıkstannyŋ Hudjand qalasyna deiıngı jerdı, bas aiaǧy on myŋdaǧan şaqyrym joldy basyp ötken. Ǧajaiyp tarihi oryndardy közımen körıp, erekşe taǧdyr ielerın taspaǧa tüsırgen.
Astanada tūsaukeserı ötken «Qiyrdaǧy qazaqtar» derektı filmder toptamasynyŋ Moŋǧoliia qazaqtaryna arnalǧan bölımı köptıŋ köŋılınen şyqty. Tuyndyda Ūlanbatyr qalasy men oǧan jaqyn ornalasqan Nalaihan audanynda ǧūmyr keşıp jatqan etnikalyq qazaqtardyŋ bügıngı tırşılıgı körsetıledı. Derektı filmdı tüsıru barysynda QR SIM bırlese otyryp, joǧaryda jazylǧan elderdegı QR elşılıkterımen bırlesken jūmys atqarylǧan.
«Būl - Elbasynyŋ «Ruhani jaŋǧyru» baǧdarlamalyq maqalasyn jüzege asyru maqsatynda qolǧa alynǧan joba. Eŋ bastysy, būl jobany tek qana bastama dep esepteimız. Şetelde 5 millionǧa juyq qazaqtyŋ tūryp jatqany bızge belgılı. Sondyqtan, olarǧa bız erekşe nazarmen qaraimyz. Ekınşı jaǧynan Elbasy aitqandai, olarǧa Qazaqstannyŋ ärqaşan esıgı aşyq. 25 jyldyŋ ışınde 1 millionǧa juyq qandastarymyz elge keldı. Derektı filmdı demeuşılık etken Oralbek Botbai myrzaǧa, «Qazkontent» basqarmasynyŋ töraǧasy Evgenii Kochetov myrzaǧa zor alǧysymdy aitqym keledı. Qany qazaq bolmasa da, zaty qazaq (Kochetov turaly - avt.). Osyndai jobany özı (Evgenii Kochetov - avt.) ūsyndy», - dedı filmnıŋ tūsaukeserınde QR Aqparat jäne kommunikasiialar ministrı Däuren Abaev.
Maŋyzdy ıs-şara qandastardyŋ tarihi otanynan beiımdelu mäselerıne taǧy bır nazar audaruǧa jäne tarihi otanynan tys ömır sürıp jatqan etnikalyq qazaqtardyŋ mäselelerın köteruge jol aşady.
Derektı film juyq arada körermenge aşyq kontentte ūsynylady.
Atalǧan joba Dünie jüzı qazaqtary qauymdastyǧynyŋ 25 jyldyǧyna arnalyp otyr. Derektı filmnıŋ maqsaty – Qazaqstan Respublikasynyŋ prezidentı N.Ä. Nazarbaevtyŋ «Bolaşaqqa baǧdar: ruhani jaŋǧyru» maqalasynyŋ aiasynda ūlttyq sanamyzdy jaŋǧyrtu jäne töl tarihymyzǧa tyŋ serpılıs äkelu. Alys-jaqyn şet elderdegı qazaqtardy otanymyzǧa oraluǧa nasihattau.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz