Şymkentte Abai eskertkışıne gül şoqtary qoiyldy

Şymkenttıkter Abai Qūnanbaiūlynyŋ eskertkışıne gül şoqtaryn qoidy. Ūly aqynnyŋ 176-jyldyq mereitoiyna bailanysty ūiymdastyrylǧan marafonǧa qalalyq mädeniet basqarmasynyŋ qyzmetkerlerı, mektep oquşylary jäne abaitanuşylar qatysty. Häkım Abaidyŋ şyǧarmalaryn nasihattau kerekpız degen ziialy qauym ökılderı öz ūsynystaryn da jetkızdı.

Abai künın şymkenttıkter ūly aqynnyŋ eskertkışıne gül şoqtaryn qoiyp, aǧartuşyny eske alumen bastady. Mädeni şaraǧa qatysuşylardyŋ bırı qalalyq mäslihat hatşysy Bahadyr Narymbetov Abai şyǧarmalaryn dūrys qoldana almai jürgenımızdı jetkızdı. Aituynşa, ūly aqynnyŋ öleŋderın mektep oquşylaryna älı de bolsa tereŋırek oqytu kerek. Sözınşe, «Ǧylym tappai maqtanba» öleŋın jeŋıl eken dep tek bastauyş synypta ǧana jattatu qate. Ony eseigennen keiın de maǧynasyn tüsınuı tiıs deidı halyq qalaulysy. Bahadyr Narymbetov, Şymkent qalalyq mäslihat hatşysy: «Men ömır baqi aityp kelemın, kezınde özımızge äkemız de aitqan. Qazır men de bala-şaǧama aityp kele jatqan jaŋaǧy bes asyl ıs. Ǧylym tappai maqtanba. Sol bes asyl ıs pen bes dūşpannyŋ ärbır adamnyŋ ol jüregınde boluy kerek. Eger de bız sol bır-aq şyǧarmasyn negızge ala otyryp ūrpaq tärbieleitın bolsaq, bız eşqandai ūtylmaimyz. Bız tek qana alǧa jüremız». Al abaitanuşynyŋ sözınşe, bızdıŋ qoǧam älı de häkım Abaidy tanyp-bılgen joq. Būl datany belgıleudıŋ mänı osynda jatyr. Qazırgı jastar da qazaq jazba ädebietınıŋ, qazaq ädebi tılınıŋ negızın saluşy filosofty tereŋ bıledı dep aita almaimyn deidı ol. Aqjol Qalaşbek, abaitanuşy: «Prezidentımız Qasym-Jomart Toqaev Abai künın belgıledı. Ol kündı ne üşın belgıledı? Ol kündı belgıleudegı maqsat sol älı de Abaidy eske alu, oilanuymyz kerek. Al endı Abaidy eske alsaq, Abaidy oqysaq, bız odan saiyn köretınımız tek paida. Ziian joq. Endı mynau baiaǧydan aityp jürmız. Abai degen arnaiy elımız üşın institut pa, akademiia ma aşyp qoisa. Ol da jaqsy. Mysaly, myna qytailarda Konfusiii, nemısterde gete akademiiasy bar». Abai künı — elımızdıŋ merekelık küntızbesıne engen kün, bıraq resmi demalys künı bolyp sanalmaidy. Ükımet Qaulysymen 10 tamyz Abai künı bolyp belgılengen. Aita keteiık, Şymkentte Abai künıne orai ūiymdastyrylǧan şaralardyŋ basym bölıgı onlain formatta ötkızıledı. Bügınde qalalyq mädeniet basqarmasynyŋ bastamasymen 12 ıs-şara josparlanyp otyr. Sondai-aq ūly aqynnyŋ şyǧarmalaryn därıpteu şaharda ekı künge jalǧaspaq.