Mobildı toptar qūrylyp, bılım ūialaryn qadaǧalauda

Oqu jylynyŋ bastaluyna 10 kün qaldy. Biyl mektepter elımızdıŋ bas sanitar därıgerı bekıtken erejelerdı saqtai otyryp, ştattyq rejimde jūmys ısteidı. Qazırdıŋ özınde arnaiy mobildı toptar qūrylyp, bılım ūialaryn qadaǧalauǧa kırısken. Olardyŋ qatarynda bılım basqarmasynyŋ ökılderı, SES qyzmetkerlerı men mäslihat deputattary bar.

Būl Şymkenttegı №45 mektep. Mūnda ekı myŋnan astam oquşy bılım alady. Endı olar jaŋa erejelerge säikes oqidy. Qazırgı taŋda mekteptıŋ kıreberısınde turniket ornatylǧan. Aldymen keluşılerdıŋ temperaturasy ölşenıp, sodan keiın «Aşyq» qosymşasymen tekserıledı. Mūnyŋ bärı balalar men pedagogtardyŋ qauıpsızdıgı üşın. Mektep ūjymy jaŋa erejelerge baǧynuǧa daiynbyz dep otyr. Tek oǧan halyq üirense bolǧany. Medisinalyq betperde men antiseptikter qoljetımdı boluy üşın kabinetter ünemı kvarstaudy qajet etedı eken. Mektepterdıŋ daiyndyǧyn pysyqtau maqsatynda qūrylǧan mobildı toptardaǧy mäslihat deputattary synyptardy jeldetu jüiesıne qyzyǧuşylyq tanytty. Halyq qalaulylary ashanalarǧa erekşe nazar audarudy sūrap otyr. Tamaqtanu ornynda ärdaiym tärtıp pen tazalyq boluy kerek deidı. Al, būl №64 mektep. Būl bılım ordasynyŋ oquşylary būqaralyq sportty damytu maqsatynda ūiymdastyrylǧan «Şymkent jastar ligasynyŋ » jeŋımpazy atanǧan. Mobildı top müşelerı mekteptıŋ jaŋa oqulyqtary bar kıtaphanalar men sport zalyn aralady. Jaqyn arada jaŋa älıppe jetkızıledı dep josparlanyp otyr eken. Äliia Jıbekqyzy: «Mıne, orys tılı, özın-özı tanu, muzyka jäne endı älıppenı kütudemız» Būl mekteptegı mūndai monitorlar oquşylarǧa yŋǧaily bolu üşın är synypta ornatylǧan. Sol arqyly beinerolikterdı tamaşalap, prezentasiialar jasauǧa mümkındık bar. Sondai-aq äleumettık jelı de qol jetımdı. Mektepterge qatysty aitarlyqtai eskertuler joq deidı deputattar. Aldaǧy uaqytta da bılım ūialaryn aralau jūmystary qarqyndy jürgızıletının alǧa tartty. Töreaiym Sūltanova, Şymkent qalalyq mäslihatynyŋ deputaty: «Bızdıŋ mektepter oqu jylyna daiyn dep sanaimyn, endı bastysy ata-analar balalardy baqylap otyruy kerek. Bız mūndai tekserulerdı ünemı jürgızemız». Aita keteiık, monitoringtık top aralaǧan mektepter arasynda zaŋ būzuşylyqtar baiqalmady.