Şymkentte dästürlı tamyz keŋesı öttı

 Şymkentte bılım salasy qyzmetkerlerınıŋ jyl saiynǧy dästürlı tamyz keŋesı öttı. Şahar basşysy qatysqan keŋeste qala pedagogtary atqarylǧan ısterdı tarazylap, aldaǧy mındetterın aiqyndady. Al üzdıkterın qala äkımı men bılım beru basqarmasynyŋ basşylyǧy «Qūrmet gramotalary» jäne «Alǧys hattarmen» marapattady.

Dästürlı jiynda Şymkent basşysy Mūrat Äitenov jaŋa oqu jylynda balalardyŋ densaulyǧyn saqtau bırınşı kezektegı mäsele ekendıgıne köŋıl böldı. Sondai-aq, ūstazdar qauymyna jüktelgen mındet pen qoiylǧan talap äldeqaida köp ekenın aitty. Al, tehnologiia damyǧan zamanda internet bala tärbiesıne terıs yqpal etetının eskerıp, ata-analary men ūstazdarǧa oquşylardyŋ äleumettık jelıdegı belsendılıgın baqylauda ūstaudy eskerttı. Qala äkımınıŋ sözınşe, ziiatker ūrpaq tärbieleu – basty strategiialyq mındetımız. Ziiatkerlık bäseke ornyqqan bügıngıdei kezeŋde balalarymyz özderın kündelıktı jetıldıruı tiıs degen qala basşysy ūstazdarǧa balalarymyzdy jan-jaqty damytuǧa şaqyrdy. Sondai-aq, pedagogtarǧa jüktelgen mındet pen qoiylǧan talap äldeqaida köp ekenın söz ettı. Sonymen qatar, Mūrat Äitenov dästürlı tamyz keŋesı ötken №65 mekteptı aralap şyqty. Bügınde üşınşı megapoliste bılım ordalaryn qarjylandyru nätijesınde olardyŋ sanyn arttyru jyl saiyn ösıp keledı. Naqtyraq aitsaq, aldaǧy 5 jylda Şymkentte 72 mekteptıŋ qūrylysyn jürgızu josparlanyp, üş auysymdy mektepter mäselesı men bılım ūialary joq şaǧynaudandar men tūrǧyn alaptarda jaŋa mektepter salynu josparlanuda. Biyldyŋ özınde 32 mekteptıŋ qūrylysy bastalyp, 20 mektep jyl soŋyna deiın paidalanuǧa berıledı eken. Al 16 mekteptıŋ qūrylysyna jeke investorlar tartylǧan. Pedagogtardyŋ dästürlı tamyz konferensiiasynda söz alǧan qalalyq bılım basqarmasynyŋ basşysy Janat Täjieva ötken oqu jylynda atqarylǧan ısterge esep berıp, bolaşaqqa baǧdar jasady. Bas ūstazdyŋ aituynşa, eŋ bastysy, bılım beru sapasyna nazar audaru qajet. Jalpy, ötken oqu jylyn qala mektepterı jaqsy nätijemen aiaqtapty. Qala äkımı bılım sapasyna ülken män berıp, käsıbi baǧyttau jūmystaryn küşeitudı, ata-analarmen tiımdı ärekettestıktı qamtamasyz etudı tapsyrdy. Jaŋartylǧan bılım beru jüiesıne köşu üşın ūstazdardy daiyndau qajettılıgı de aityldy. Jiyn barysynda qalanyŋ üzdık degen ūstazdary qala äkımı men bılım basqarmasy basşysynyŋ qūrmet gramotalary jäne alǧys hattarymen marapattaldy.