Şymkentte «Bozaryq» qosalqy elektrstansiiasy ıske qosyldy

Şymkent qalasynyŋ soltüstık bölıgın sapaly elektr quatymen qamtityn «Bozaryq» qosalqy stansiiasy ıske qosyldy. Nätijesınde quaty 160 megavatty qūraityn podstansiia millionnan astam tūrǧyny bar şahardyŋ 250 myŋǧa juyq halqyn sapaly jaryqpen qamtidy. Atalǧan jobannyŋ jalpy qūny -7,9 mlrd teŋgenı qūraidy.

Şymkent qalasynyŋ bas josparyna engızılgen maŋyzdy joba, iaǧni 6 jyldan berı jyr bop kele jatqan «Bozaryq» qosalqy stansiiasynyŋ qūrylys jūmystary aiaqtaldy. Millionnan astam tūrǧyny bar şahardyŋ soltüstık bölıgındegı 10 şaǧyn audanynda elektr quatynyŋ tapşylyǧy bar edı. Osy mäselenı şeşu baǧytynda 2015 jyly quaty 160 megavatty qūraityn «Bozaryq» podstansiiasynyŋ qūrylysy bastalǧan bolatyn. Alaida, milliondaǧan qarjy bölıngen podstansiianyŋ qūrylysy orta jolǧa kelgende toqtap qalǧan. Nätijesınde 2017 jyly merdıger mekeme «Şymkenthimmontaj» JŞS-ı özıne jüktelgen mındettemelerdı oryndamauyna bailanysty aradaǧy tüzılgen kelısımşarty būzylyp, «Avrora eKonstrakşn» JŞS arqyly qūrylys jūmystary jalǧasyn tapty. Sondai-aq, Şymkent qalasynyŋ energetika jäne infraqūrylymdy damytu basqarmasynyŋ basşysy Boranbai Bulatbekovtıŋ aituynşa qazırgı taŋda qalany sapaly elektr jaryǧymen qamtamasyz etu maqsatynda taǧy 5 qosalqy stansiianyŋ qūrylysy qatar jürgızılude. Boranbai Bulatbekov, Energetika jäne infraqūrylymdy damytu basqarmasynyŋ basşysy: «2017 jyly bırınşı merdıger mekeme aiaǧyna deiın ıstemei, sosyn 2017 jyldan mıne bügın tapsyryp otyrmyz. Būl qosalqy stansiiaǧa bes ülken stansiialar qosylady. Olar «Nūrsät», «Astana-1», «Astana-2», «1-M-1», «Yntymaq» qosalqy stansiialarynyŋ qosylu közı bolyp tabylady». Saltanatty jiynǧa qala äkımı Mūrat Äitenov qatysyp, qosalqy stansiia jūmysyn qosyp berdı. Aita keteiık, «Bozaryq» qosalqy stansiiasy sapaly elektr quatymen qamtu nätijesınde qalanyŋ soltüstık bölıgınde ornalasqan Asar-2, Tūran, Yntymaq-2, Soltüstık saiajai, Batys, Bozaryq, Qainarbūlaq, Şymkent siti men Dostyq, Nūrsät şaǧynaudandaryndaǧy jaryq mäselesınıŋ tapşylyǧy şeşıledı.