ERBOL AZANBEK: Memleket ýtılzaııalyq alymdy qaıta qaraýy kerek!

1959
Adyrna.kz Telegram

Prezıdent keshe Almatyda qarjygerlermen kezdesýde «Másele elimizdiń qarjy turaqtylyǵyna tóngen táýekel-qaterde ǵana emes. Bul kóptegen azamattarymyzdyń qarjy tapshylyǵymen betpe-bet kelgenin bildiredi. Bul áleýmettik jáne saıası turaqsyzdyqqa alyp kelýi múmkin» dedi 90 kúnnen asyp ketken kredıtke qatysty.

Ashyǵan nan sııaqty kóterilip jatqan avtokólik baǵasy da týra sondaı turaqsyzdyqqa ákelýi múmkin. Armenııalyq, reseılik nómirli kólikterdiń máselesi sonyń bir kórinisi.

Eldegi avtokólik baǵasy jyl basynan beri birneshe ósti. Áli de ósip jatyr. Álemdik avtoóndiristegi problema áser etti degenimen, ishki másele buǵan 2 ese úles qosyp otyr.

Avtokólikterdiń basym bóligi qoqys. Bir tanysym aqpan aıynan beri 15 mıllıonǵa Lend Krýzer, kólemi 4 Prado izdegen, qazir 20 mıllıonǵa izdep tappaı júr. Zaýyttan shyqqanyna 13 jyl bolǵan, 2008 jylǵy Lend Krýzerdiń qazirgi baǵasy sý jańa kezindegi baǵasynan 2-3 ese qymbat.

Shilde aıynda ortasha jabdyqtalǵan, 14,7 mln turǵan Kamrıdi qazir 18 mlnǵa áreń tabasyz.

1-2 mlnǵa durys kólik alý múmkin emes. Eńbekpen tapqan aqshasyna qunyna saı emes qoqys alýǵa májbúr bolyp otyr. Talaı adam amalsyz kredıt alýǵa májbúr.

Keıbireý amalsyz AQSh-tan soǵylǵan kólik aldyryp júr. Mundaıda alaıaqtar da kóbeıedi. Ótkende 40 adam arzan kólik alamyz dep alaıaqtarǵa aldanyp qalǵan.

Ýtılalym t.b avtorásimdeý kezindegi baǵanyń qymbattyǵynyń bir sebebi shki avtoóndirýshilerdi qoldaý bolǵanymen menińshe olardyń kólikteriniń satylymynda másele joq. Qazirgideı kólik tapshy emes kezdiń ózinde tapsyrys berseń 3-4 aı kútýge týra keletin. Bul artyǵymen satylyp jatyr degen sóz.

Ýtılalymdy t.b syrttan kólik satyp alý kezindegi qosymsha shyǵyndy azaıtyp, halyqtyń durys kólik alýyna múmkindik berý kerek. Halyqty qınamaı, jeńildetińizder.

"Adyrna" ulttyq portaly

Pikirler