Sońǵy kezde Qazaqstanda elektr qýatyn paıdalaný kúrt ósip ketti, onyń defııti paıda bolyp jatyr degen aqparat ár jaqtan estilip, jazylyp, qulaqqa quıylyp jatyr.
Maınerler kináli dedi me, Ekibastuz GRES-inde apattyq jóndeý bolady dedi me, basqa dedi me, áıteýir, negizgi oı: qosymsha elektr qýatyn óndirý úshin bizge mindetti túrde AES kerek-mys. Ony salmaı problema sheshilmeıdi-mys.
Óz basym mundaı aqparattyq tehnologııany "AES-ti salmasaq, bolmaıdy" degen pikirdi qoǵamdyq sanaǵa sińdirýdiń bir tásili dep bilemin.
Áıtpese, jer qoınaýyndaǵy sonshama munaı, gaz, kómir qory halqynyń sany 19 mıllıon ǵana eldiń ekonomıkasyn qamtamasyz ete almaıdy degenge senbeımin!
Keshegi kúni prezıdenttiń is júzinde reseılik AES-ty qoldap sóz sóıleýine qaraǵanda, bizdiń bılik Kremlge bir ýáde berip qoıǵan sekildi áser qaldyrǵany da ras...
"Adyrna" ulttyq portaly
