Şymkentte «Shymkent bike» jobasy ıske qosylmaq

Şymkent qalasynda ülken magistraldy köşelerge velojolaqtar salynyp, «Shymkent bike» jobasy ıske qosylmaq. Būl jūmystar tolyǧymen aiaqtalǧanda, tūrǧyndar velosipedtı qoǧamdyq kölık retınde pailana alady, dep habarlaidy QazAqparat tılşısı. Atap aitqanda «Shymkent bike» äleumettık-innovasiialyq jobasy şeŋberınde 200 velosipedtı qūraityn 40 velostansiia ıske qosyluǧa daiyn tūr. Aldaǧy 1,5-2 aidyŋ kölemınde velosipedter tūrǧyndar igılıgıne berıledı dep kütılude. Joba aiasynda paidalanuşylar üşın qoljetımdı jäne yŋǧaily tariftık josparlar äzırlengen. «Bike Sharing» jüiesı arqyly tūrǧyndar men qala qonaqtary velosipedtı jalǧa aludyŋ alǧaşqy 30 minutynda tegın aidai alady. Iаǧni, velosipedterdı jaqyn ornalasqan stansiialarda almastyryp, ūzaq uaqyt boiy tegın qoldanuǧa mümkındık bolady. Al, abonenttık tölemderdıŋ qūny saǧaty men merzımıne qarai 100 teŋgeden bastalyp, 10 myŋ teŋgege deiın belgılengen.