Şymkent qalasyndaǧy Qonaev daŋǧyly jalǧasy qūrylysynyŋ 3-kezeŋı Tereşkova köşesınen Böget keşesıne deiıngı aralyqta jürıp jatyr. Qala äkımı qūrylys nysandaryn aralau barysynda mūnda da at basyn būrdy.
Atalǧan köşe boiynşa ortaşa jöndeu jūmystary 2020 jyldyŋ qazan aiynda bastalǧan. Şymkent qalasynyŋ maŋyzdy köşesı sanalatyn būl daŋǧyldyŋ qūrylys jūmystary «KazahDorStroi» JŞS-ne jüktelgen.
Kezeŋnıŋ jalpy ūzyndyǧy 6 jolaqty 0,561 şaqyrymdy qūraidy. Al joldyŋ enı 42 metr. Bügıngı taŋda 700 m ekı baǧytty ainalma temır jolyn, 948 m kärız qūbyryn salu, 3,4 şq. kabel jelılerı, 24 temır jol elektr baǧanalaryn jäne 2 dana jer asty jaiau jürgınşıler ötkelderın ornatu, temır jol ötkelınıŋ 24 dana svai qūiu, 60000m3 jer jūmystary jäne 4 dana temır jol köpırınıŋ negızın qūiu jäne 4 dana temırjol balkalaryn ornatu jūmystary oryndaldy.
Qazırgı uaqytta tıreu qabyrǧalaryn qūiu, injenerlık jelılerdıŋ ornyn auystyru, memleket mūqtajyna alynǧan üilerdı süru jūmystary jürgızılıp jatyr.
Qala äkımı maŋyzdy qūrylys nysandaryn tūrǧyndarǧa dūrys tüsındıre otyryp, ekı jaqty kelesımmen üilerdı mūqtajdyqqa alu kerektıgın aitty.
