Şymkent qalasynyŋ äkımı Mūrat Äitenov QR ŪEM Tabiǧi monopoliialardy retteu komitetınıŋ Şymkent qalasy filialy departamentınıŋ basşysyn qabyldap, saladaǧy özektı mäselelerdı talqylady.
Departament basşysy tarifterdı tūraqtandyru boiynşa jartyjyldyqta atqarylǧan jūmys jönınde baiandady. Onyŋ aituynşa, Şymkent qalasynda 75 qyzmet türı boiynşa 59 tabiǧi monopoliia subektısı engızılgen. Olar elektr energiiasyn jäne gaz tasymaldau, jylumen qamtamasyz etu, sumen jabdyqtau jäne su būru qyzmetı, kırme joldary baǧytynda jūmys jasaidy.
2019 jyldan bastap keibır kommunaldyq tarifterdıŋ tömendeuı baiqalady. Jylumen jabdyqtau 2018 jyly 142,31 tg bolsa, soŋǧy üş jylda 110,78 tg bolyp tūraqtalǧan. Sumen jabdyqtau 97,97 tg bolsa, qazır 88,17 tg. Sudy būru 39,03 teŋgeden 35,13 teŋgege tüsken. Gazben jadyqtau üş jyl aldyn 34,47 tg, qazır 31,59 tg bolǧan. 2019-2021 j. kommunaldyq tarifterdı tömendeuı nätijesınde tūtynuşylardyŋ ünemdelgen qarjylary 9,76 mlrd.teŋge qūrap, tūrǧyndarǧa kerı qaitarylǧan.
Osy jarty jyldyqta tūrǧyndardyŋ aryzdary boiynşa jospardan tys 10 tekseru jūmystary jürgızılgen. "Nätijesınde 51 nūsqama engızılıp, 23 äkımşılık qūqyqbūzuşylyq qozǧalǧan. Olarǧa 41,9 mln.tg. aiyppūl salynyp, tūtynuşylardan artyq alynǧan 3,39 mln.teŋge tolyq qaitaryldy" deidı sala basşysy.
«Tabiǧi monopoliia turaly» QR Zaŋǧa säikes, tarif bes jäne odan köp jyl merzımge belgılenedı. Osyǧan orai bekıtılgen tarifterdıŋ merzımı bıtuıne bailanysty – 3 tabiǧi monopoliianyŋ 2021-2026 jyldarǧa jaŋa tarifterı bekıtılgenın jetkızdı. Departament tarapynan 2019 jyldan berı 1 millionnan asa adamnyŋ qūqyǧy qorǧalǧan.
Departament jūmysyna qanyqqan Şymkent äkımı monopolist mekemelermen kelıssözder jürgızıp, baǧa tūraqtylyǧyn saqtaudy jäne olarǧa baqylaudy küşeitudı tapsyrdy. «Aikömek-109» ortalyǧyna kelıp tüsetın aryz-şaǧymdardyŋ basym bölıgı de osy kommunaldyq qyzmetke qatysty bolǧandyqtan, sapaly qyzmet körsetuge barynşa nazar audaru qajettıgın aitty.
