Türkımenstanda poşta bölımşesı mekenjaiy orys tılınde jazylǧan hattardy būdan bylai jetkızbeitın boldy. Būl «Poşta bailanysy turaly» atty jaŋa zaŋnan tuyndap otyr, dep habarlaidy "Adyrna" ūlttyq portaly.
Zaŋnyŋ 26-babynda bylai delıngen:
«Türkımenstan şegınde jöneltıletın poşta habarlamalaryn jıberuşı men aluşynyŋ mekenjailary memlekettık tılde, al Türkımenstannan tys jerlerge baratyn habarlamalar sol eldıŋ tılınde resımdeluı tiıs»,-delıngen.Būǧan deiın Türkımenstanda poşta qyzmetterın körsetu 2010 jylǧy «Bailanys turaly» jalpy zaŋmen retteletın. Poşta jöneltılımderı qandai tılde jürgızıletındıgı 1996 jylǧy būrynǧy zaŋda aitylmaǧan. Alaida derekközder rastaǧandai, orys tılınde qol qoiylǧan konvertter mejelı jerge eş qiyndyqsyz jetkenın aitady. Sondai-aq, būryn orys tılınde jedelhat jıberude de qiyndyqtar bolmaǧan. Būl mümkındık endı jalǧasa ma, joq pa älı de belgısız. Jaŋa zaŋda jedelhat turaly aitylmaǧan. Türkımenstannyŋ köptegen basqa postkeŋestık elderden aiyrmaşylyǧy, orys tılınıŋ zaŋmen bekıtılgen märtebesı joq. Ol älı künge deiın ūltaralyq qatynas tılı bolyp qala beredı. Türıkmenstanda tolyqtai orystıldı bır ǧana mektep bar. Degenmen, orys tıldı mektepke balalaryn beretın otbasylar sany az emes. Olar tıldı 0-den bastap üiretudı qalaidy. Būl oqytu sapasyn tömendetedı. Sondai-aq, Türkımenstanda özbek, qazaq, t.b özge ūlt ökılderınıŋ balalary ana tılınde bılım alatyn mektepter de synyptar da joq.
"Adyrna" ūlttyq portaly
Ūqsas jaŋalyqtar
