Şymkentte qalalyq halyqty jūmyspen qamtu ortalyǧy, qalalyq “Jastar resurstyq ortalyǧymen” bırlese jūmyssyzdarǧa arnalǧan köşpelı bos jūmys oryndary järmeŋkesı öttı.
QR Täuelsızdıgınıŋ 30 jyldyǧyna orai qala äkımı M.Äitenovtıŋ bekıtken
«30 jūldyzdy kün» ıs-şaralar jospary aiasynda ūiymdastyrylǧan järmeŋkede tūrǧyndarǧa qaladaǧy türlı mekemeler men käsıporyndary tarapynan 700-ge juyq tehnikalyq, pedagogikalyq jäne t.b.mamandyqtary boiynşa tūraqty bos jūmys oryndary ūsynyldy.
«Şaŋyraq» ortalyǧynda ötken järmeŋkede jūmyspen qamtu ortalyǧynyŋ mamandary «Eŋbek» memlekettık baǧdarlamasynyŋ tiımdılıgı men jūmyspen qamtu şaralaryna qatysu mümkındıkterın tüsındırıp, aqparattandyrdy.
- Bügıngı bos jūmys oryndarynyŋ järmeŋkesınde jūmys oryndaryn ūsynyp qana qoimai, nätijelı ärı tūraqty jūmyspen qamtu, jūmys beruşı mekemelerdıŋ sūranysyna sai qajettı maman taŋdaularyna mümkındık berıledı. Jalpy, qazırgı taŋda qala aumaǧyndaǧy «Alem BT», «Azala Textile», «Gauhar tıgın fabrikasy», "Alliance" JŞS, «PetroKazakhstan» syndy ırı käsıporyndarda tehnikalyq mamandyqtar sūranysqa ie bolsa, järmeŋke barysynda atalǧan käsıporyndarǧa injener, dispechter,tıgınşıler,mehanik, dänekerleuşı jäne t.b. mamandyqtar qatary qajet,-dedı qalalyq jūmyspen qamtu jäne äleumettık qorǧau basqarmasynyŋ basşysy B.Narbekova.Aita ketsek, jyl basynan berı «Eŋbek» memlekettık baǧdarlamasy boiynşa 28 286 adamdy jūmysqa ornalastyru josparlansa, bügıngı taŋǧa deiın 26 013 adam qaladaǧy türlı käsıporyndar men mekemelerge jūmysqa joldanyp otyr.
