Qala jastary Älem chempiondarymen kezdestı

QR Täuelsızdıgınıŋ 30 jyldyǧyna arnalǧan «JŪLDYZDY 30 KÜN» jobasy aiasynda Şymkent qalasy ışkı saiasat jäne jastar ısterı jönındegı basqarmasynyŋ «Jastar resurstyq ortalyǧy» KMM-nıŋ ūiymdastyruymen qala jastary älem chempiondarymen kezdestı. Kezdesudıŋ maqsaty qoǧamnyŋ qozǧauşy küşı - jastardyŋ qazaq tarixynda esımderı altyn ärıppen jazylǧan keiıpkerlermen kezdesuı - küngeide älı talai tolaǧaidyŋ şarşy alaŋnan tabylyp, Chempiondardyŋ tanyluyna jol aşu. Bos uaqytyn tiımdı paidalanyp, sportqa degen qūlşynys-qūrmetın eseleu. Sonymen qatar mümkındıkterın qalt jıbermeuge küş-jıgerlerın arttyru! Kezdesu qonaqtary karateden halyqaralyq Tokio Olimpiadasynyŋ qola jüldegerı Darhan Asädılov, pauerliftingten Qazaqstan Respublikasyna Eŋbegı sıŋgen sport şeberı, Älem Chempionatynyŋ 7 dürkın jeŋımpazy Kseniia Han, kikboksingten halyqaralyq därejedegı sport şeberı Älem Chempionatynyŋ 2 dürkın jeŋımpazy Fazliddin Safarov. Aita ötetın aqparat, erkın formatta örbıgen osynau kezdesuge belgılı sportşylarmen qatar, qalamyzdyŋ joǧary jäne orta arnauly oqu oryndarynyŋ jastary qatysty. Sonymen qatar igı şaraǧa jergılıktı BAQ ökılderı de arnaiy şaqyryldy. Jiynda jas tolqyn törtkül dünie köz tıkken aituly bairaqty bäsekelerde jeŋıstıŋ törın baǧyndyryp, Eldıŋ kök tuyn kökte jelbıretken jandarǧa saualdaryn bükpesız joldady. Bügınde esımderı men eŋbekterı älemge äigılı sport şeberlerı de tosylǧan joq, sport salasyndaǧy jetıstıkterınıŋ qūpiiasymen bölıstı..