SYBAILAS JEMQORLYQQA QARSY ÜZDIK JOBALAR BAIQAUYNYŊ JEŊIMPAZDARY MARAPATTALDY

Halyqaralyq sybailas jemqorlyqqa qarsy küres künıne orai Şymkentte studentter arasynda qoǧamda sybailas jemqorlyqqa qarsy mädeniettı qalyptastyru boiynşa jobalar baiqauy öttı. Täuelsızdıgımızdıŋ 30 jyldyǧy aiasynda, baiqau Qazaqstan Respublikasynyŋ Sybailas jemqorlyqqa qarsy ıs-qimyl Agenttıgınıŋ Şymkent qalasy boiynşa departamentınıŋ bastamasymen qalalyq ışkı saiasat jäne jastar ısterı jönındegı basqarmasynyŋ qoldauymen ūiymdastyryldy. Basty maqsat – jastar arasynda sybailas jemqorlyqqa qarsy mädeniettı qalyptastyru, jemqorlyqqa qarsy kürestıŋ jaŋa tetıkterın jastardyŋ qatysuymen aiqyndau. Baiqau barysynda joba ideiasynyŋ tiımdılıgıne, mazmūnynyŋ aşyluy, jobanyŋ daǧdysy, ideialardyŋ jaŋaşyldyǧyna nazar audaryldy. Jeŋımpazdardy marapattau maqsatynda «Antikor ortalyǵy» alaŋynda kezdesu ūiymdastyrylyp, üzdıkter anyqtaldy. JOO arasynda bırınşı oryndy ielengen M. Äuezov atyndaǧy OQU «Sanaly urpaq» klubynyŋ müşelerı Aqdariǧa Mūhaddas pen Nazerke Älıaidarqyzy jemqorlyqtyŋ aldyn alu maqsatyndaǧy jobaǧa qatysqandaryna öte quanyşty ekendıkterın jetkızdı. «Bügınde köp jobalar, startap baiqaular bar, bıraq onyŋ barlyǧy käsıpkerlıkke baulu sipatynda. Al būl joba bızdıŋ adal bolu, jaqsylyq jasap jarysu, qaiyrymdylyqty yntalandyru maqsatynda daiyndalǧan jobalarymyzdy ärı qarai damytuǧa serpın berdı. Üzdıkter qatarynan körıngenımızge quanyştymyz, aldaǧy uaqytta da jemqorlyqtyŋ aldyn alu maqsatyndaǧy jobalarǧa qatysuǧa daiynbyz» - deidı studentter. Sonymen qatar, orta arnauly oqu oryndary arasynda Jol-kölık kolledjınıŋ studentı Aian Orazbektıŋ jobasy I-şı orynǧa laiyq dep tanyldy. Jeŋımpazdardy marapattarymen qūttyqtaimyz.