Euraziialyq ekonomikalyq odaq elderınıŋ jalpy memlekettık qaryzy 2021 jylǧy 1 qazandaǧy jaǧdai boiynşa 347,2 mlrd dollarǧa jettı, būl 2020 jyldyŋ säikes künımen salystyrǧanda 32%-dan astam körsetkışke joǧary, dep habarlaidy "Adyrna".
Qazaqstanda 2021 jyldyŋ 1 qazanyndaǧy jaǧdai boiynşa memlekettık qaryz 21,8 trln teŋgeden asty (Ūlttyq banktıŋ qaryzyn qosqanda), būl bır jyl būrynǧydan 11%-ǧa artyq. Dollarmen eseptegende būl körsetkış 51,3 mlrd dollardy qūrady.Sonymen bırge Euraziialyq ekonomikalyq komissiianyŋ statistikasy boiynşa Qazaqstannyŋ ışkı qaryzy 14,5 trln teŋgenı, al syrtqy qaryzy 7,4 trln teŋgenı qūrady.
Reseide memlekettık qaryz 18,9 trillion rublge (jylyna + 29,4%) nemese 259,3 milliard dollarǧa jettı. Işkı – 15,9 trillion rubl, syrtqy – 2,9 trillion rubl.
EEK mälımetterı boiynşa Belaruste memlekettık qaryz bır jylda 0,3%-ǧa ösıp, 57,1 mlrd rublge nemese 22,7 mlrd dollarǧa deiın östı, onyŋ ışınde ışkı qaryz 11,3 mlrd rubl jäne syrtqy qaryz 45,8 mlrd rubl boldy.
Al Armeniiada būl körsetkış eldıŋ Ortalyq bankınıŋ qaryzyn esepke alǧanda 2021 jylǧy 1 qazandaǧy jaǧdai boiynşa 4,4 trillion dramdy (jylyna + 14,1%) nemese 9 milliard dollardy qūrady. 1,1 trillion dram ışkı qaryz jäne 3, 2 trillion dram syrtqy qaryz.
Öz kezegınde Qyrǧyzstannyŋ memlekettık qaryzy bır jylda 7,4%-ǧa ösıp, 412,6 mlrd som nemese 4,9 mlrd dollardy qūrady.Işkı – 60,6 mlrd som, syrtqy – 352 mlrd som.
"Adyrna" ūlttyq portaly
