Resmi mälımetke süiensek, bır ǧana Taraz qalasynyŋ özınde byltyr 48 adam öz-özıne qol salǧan. Al biyl 43 derek tırkelgen. Onyŋ 36-sy — er adam dep habarlaidy "Adyrna" ūlttyq portaly "alashainasy.kz" saityna sılteme jasap.
Mamandardyŋ aituynşa, adamnyŋ öz-özıne qol salǧan jerıne qarap, onyŋ ne sebeptı ömırımen qoştasqanyn aŋǧaruǧa bolady eken. Mysaly, bala üiınde suisid jasasa, otbasynda kikıljıŋ boluy mümkın. Al ölım orny mektep bolsa, demek synyptastarymen nemese ūstazdarynyŋ arasynda kelıspeuşılık bolǧan, älde oqu ülgerımınde qiyndyqtar tuyndaǧan. Keide adam aldyna qoiǧan maqsatyna jete almaǧanda özıne qol saluǧa mäjbür bolatynyn mamandar jiı alǧa tartady.– Öz-özıne qol saluǧa köbıne otbasylyq jaǧdaidyŋ tömendeuı, jūmystan şyǧyp qalǧan adamdar barady. Keide ūzaq uaqyt boiy küizelıste jürgen adamdar suisid jasaidy. Statistikaǧa süienetın bolsaq, öz-özıne qol salu keiıngı kezderı er adamdardyŋ arasynda köp kezdesetın bolǧan. Naqty jasyna kelsek, özın ölımge qiǧandardyŋ ortaşa jasy 18 ben 30 jas aralyǧyn qūraidy, – deidı Taraz qalalyq polisiia basqarmasynyŋ resmi ökılı, polisiianyŋ aǧa leitenanty Janerke Äzımhan. Al äiel zaty köp jaǧdaida jıgıtı aldap soqqanda, aryn taptaǧanda özıne qol salady. Al erkekterge ne joryq? Ne sebeptı keiıngı kezderı erkekterdıŋ suisidı köbeidı?
– Būǧan basty sebep – karantin. Älemdık pandemiia kezınde üide otyryp qalǧan erkek özın qamauda jürgendei sezıne bastady. Erkek – erkındıktı süietın jaratylys. Atam zamannan er-azamattar tüzde jürse, äiel balasy oşaq qasynda boldy. Karantin, mıne osy qalyptasqan tabiǧi zaŋdylyqty būzdy. Üide bala-şaǧanyŋ qamymen jüretın äiel üşın karantin sezılgen joq. Sebebı analardyŋ denı ömırın üide, bala kütımımen ötkızedı. Al er-azamattar üi qabyrǧasyna syimai, özın kereksız sezıne bastady. Er-azamattar üşın negızı kündelıktı jaŋalyq, adrenalin dünieler kerek. Aşuynyŋ basuyn da olar sodan tabady. Al üide otyryp qalǧan erkek aşuşaŋ, söz kötere almaityn, ne bolsa soǧan tisıp otyratyn küige tüstı. Ony jaişylyqta küieuın keşkısın bır-aq köretın äielderdıŋ denı kötere almady. Sodan üide ūrys şyǧyp, soŋy şaŋyraq şaiqaldy. Äiel bala-şaǧany alyp törkınge ketse, erkek ökpe men aşuyn araqpen jazdy. Osylaişa, jüike küizelısıne tüsken er-azamattar özın jalǧyz sezınıp, soŋy öz ömırın ölımge qiyp jatady, – deidı psiholog Ertai Jūmat.Sonymen qatar maman karantin kezınde köp tırşılık toqtaǧandyqtan, halyqtyŋ denı qaryzyn qaitara almai, biznesterı bankrotqa ūşyraǧanyn, būl jaǧdaiǧa tüsken erler öz-özıne qol jūmsauy mümkın ekenın aitty.
"Adyrna" ūlttyq portaly.
